Read Achang CHUNGH 26 Bible Online

CHUNGH 26 - Achang bible

CHUNGH 26

¹YHENSAIN eh, ngos nvng lyis dvnganh loms toh zis yah, jus cho lhyi kuot yvmvyah ngos mas yobos ma bos cho taiq aq.

²YHENSAIN eh, ngos lyis kyink las shi yoeuh aq. Ngos omes cho yahge nghamh cho lhyi soetuon dyei aq.

³Nah mathank magons jyetdap cho ka ngos lyis choshe. Nah dah wontang cho ka ngos lyis vjangh choshe.

⁴Ngos mhuih bang yah ma zomh, gis guons kuot bang jyank mas ma wvng.

⁵Ngos ma gis zis kuot bang phung lhyi hoeng; lhung bang lyis jhank.

⁶Ngos ngah loq lyis cheih zis yah tswi ma bos cho chixoeuq. YHENSAIN eh, ngos nvng lyis paiq das zis nah phon yvm mas los.

⁷Housoeh ngos jyehjuh soh dah chunghthwe kat las nah mauhphoh muh dvnganh yvlyis taiq kyoh das.

⁸YHENSAIN eh, ngos nvng nyeis dah yhen yahge nah phunk bvng joqyos lyis jyet.

⁹Ngos lyis yaunos dap bang yah dvgeh vmhont tyamp; ngah kang lhyi suih shet bang masyah luiq nhang aq.

¹⁰Nyamoq gas vjangh ma gis zis kuot bang nghuot. Nyamoq vjangh khauwhot zo das zis cicont nghuot.

¹¹Ngos gas jus yvlyis kuot. Ngos lyis nhaiqnyen zis yah khyuot yoeus aq.

¹²Ngos gas yau cho dvnganh masyah luiq goeus; ngos nyah dius jens huom yvmas YHENSAIN lhyi chungh das.