Read Achang CHUNGH 27 Bible Online

CHUNGH 27 - Achang bible

CHUNGH 27

¹YHENSAIN ka ngah dah bvng zis yahge khyuot yoeus cho nghuot. Ngos hank lyis gyuk das lah? YHENSAIN ka ngos lyis jesshoh dvnganh masyah gos toh dyei yvmvyah ngos khanhamp eq ma gyuk noh.

²Ma gis dah jes jens ngos lyis zan das, sat das ge los lyis nyamoq thungh lains loh.

³Jesphung ngos lyis los lhaink toh laus eq ngos ma gyuk noh; jeswus jens zan los laus eq ngos Mangso lhyi loms toh das.

⁴YHENSAIN lhyi ngos omes zis dvja sang: Houka, ngos kang dwis dvchank YHENSAIN dah yhen mha xauh nyeis las, YHENSAIN dah yunghshop cho nyvng das zis yahge nyang ngos lyis gomh das cho dung das.

⁵Yau cho bos uhlyis nyang ngos lyis nyah jyank mas khau nhang; nyah Yhenmuh mas ngos lyis gomh shung toh; Nyang ngos lyis gau dah luk-uk thoq mas toh.

⁶Housoeh ngos ngah vyvm vwi mas lhaink toh dah jeswus jens lyis ung das. Housoeh yvmvyah ngos gauslaus zis yah nyah Yhenmuh mas phudyei das; ngos chunghthwe kat das, ngos YHENSAIN lhyi chungh das.

⁷YHENSAIN eh, ngos nvng lyis lui lyis gyo dyei aq; nhaiqnyen zis yah toeuh dyei aq.

⁸Ngos lyis los paiq aq, ge taiq uhlyis ngos gas, YHENSAIN eh, ngos nvng lyis los paiq das, oen goeus.

⁹Nvng ngos lyis vjenh tamh; nhaiqyo zis yah nah jyeidwis lyis vphe tyamp: Nvng ngos lyis pangh soeu nghuot. Ngah khyuot yoeus Mangso eh, ngos lyis vhe tyamp, ngos lyis vdoeuh tyamp toh.

¹⁰Ngah ungwes uwus ngos lyis doeuh tyamp toh laus eq, YHENSAIN ka ngos lyis yoeuh gomh das.

¹¹YHENSAIN eh nvng ngos lyis cha kuot nhang mes cho jyauh aq. Ngah jeswus nyoshoq nghuot gvng mas ngos lyis jesluiq cho chank yah shwih loh aq.

¹²Ngos lyis tyi lha ma jus khyvlyis kyuk tant los dah ngah jeswus o khyvlyis ngos lyis vtyamp toh.

¹³Gvshih kang dwis nyeis uhlyis ngos YHENSAIN dah gis cho lhyi nyvng das oen zis seq.

¹⁴YHENSAIN lhyi loms aq; lomsjingh ehnyet bos aq, yom vgyau, YHENSAIN lhyi loms aq.