Read Achang CHUNGH 29 Bible Online

CHUNGH 29 - Achang bible

CHUNGH 29

¹Maukhung mha bang eh, YHENSAIN lhyi chungh geh. Nyah phunk yahge nyah yomsoq lyis chungh geh.

²YHENSAIN dah phunk bos nyings lyis chungh geh. Yunghshop gyingshang yvmas YHENSAIN lhyi paiq geh.

³YHENSAIN dah thwe ka thomh thoq mas xauhgyo, Mangso dah phunk gas mau soeh jau nyeis. YHENSAIN dah thwe ka jeis mungh thoq mas nyings nyeis.

⁴YHENSAIN dah thwe ka yomsoq bos. YHENSAIN dah thwe ka shoenkkhyi bos.

⁵YHENSAIN dah thwe ka Arit zains lyis yoh khyauh. Lebanon mas dah arit zains jens lyis yangh yoh khyauh.

⁶Nyang gas Lebanon boms jens lyis noeulo jens teh dyvm nhang; Sirion boms lyis noeuphuklo teh pant nhang.

⁷YHENSAIN dah thwe yah maunyoq nyik kat.

⁸YHENSAIN dah thwe mhanhdyvp lyis nhont kat; YHENSAIN Kadesh mhanhdyvp lyis nhont.

⁹YHENSAIN dah thwe ka xoeuh zains lyis tsain nhont. Saiqzains mas vhuq lyis tsain shang tyamp: Hauh uhlyis nyah yhenmuh mas bang dvnganh gas, Phunk bos, ge kaiq.

¹⁰YHENSAIN ka jeisnoq thomh lyis guon nyeis; YHENSAIN ka vcaiq vto hwankti guon nyeis.

¹¹YHENSAIN ka nyah dius jens lyis yombos nhang; nyamoq lyis nyenstap cho shvmanh dyei.