Read Achang CHUNGH 3 Bible Online

CHUNGH 3 - Achang bible

CHUNGH 3

¹ YHENSAIN eh, ngos lyis chiqjyen nhang bang kha iq yoh nyo los! Ngos lyis tyi das ge toq los bang nyoshoq nghuot.

²Mangso ngos lyis ma khyuot yoeus das ge ngah cho taiq bang nyoshoq nghuot. (Selah)

³Nghuot laus eq YHENSAIN eh, nvng gas ngah gos, ngos lyis nyoqnho ngelang dyei soeu, nvng ngos lyis yomdyei soeu nghuot.

⁴Ngos YHENSAIN lhyi kaiq lui las, Nyang gas nyah gyingshang jing masyah ngos lyis toeuh dyei. (Selah)

⁵YHENSAIN ngos lyis gomh dyei yvmvyah, ngos lhain lha yhet loh; lho lha doms soh los.

⁶Ngos lyis zui nyang lhaink toh dah dius monssoe senssoe lhyi ngos ma gyuk.

⁷YHENSAIN eh, toq aq, ngah Mangso eh, ngos lyis khyuot yoeus aq. Nvng ngah jeswus dvnganh dah bvlot lyis tyuk las, lhung bang dah zwis lyis khyauh tyamp.

⁸Khyuot yoeus cho ka YHENSAIN jyank masyah los. Nah dius jens thoq mas nah shvmanh joq bas jungh. (Selah)