Read Achang CHUNGH 30 Bible Online

CHUNGH 30 - Achang bible

CHUNGH 30

¹YHENSAIN eh, nvng ngos lyis ngah jeswus nhaiq yoeuh shei masyah gomh dyei zis yah khyuot yoeus las ngos nvng lyis chunghtoq.

²Ngah YHENSAIN Mangso eh, ngos nvng lyis, Jenh pangh aq oen kaiq las nvng ngos lyis gis los nhang.

³YHENSAIN eh, nvng ngos lyis lop masyah shwih yoeus goeus. Dwang mas ma gyoh bas jungh ge, nvng ngos lyis kang dwis nhang toh.

⁴YHENSAIN dah lomluk dius jens dvnganhmoq eh, nyang lyis chunghthwe kat geh. Nyah Gyingshang Soeu cha kuot dyei yvlyis soh las nhaiqshoqlang sang geh.

⁵Nyang nhaiqyo zis dvxa dvnghuot. Nyah dah gis cho ka dvcaiq gonh nghuot. Nyenh lyis nyoqdyeis yaus laus eq, nvp lyis gas gauslaus cho jweh los.

⁶Ngos sam cho bos joq oen soh uhlyis, Ngos khanhamp eq ma lop ma loeh das oen taiq zo.

⁷YHENSAIN eh, nvng ngah xiklyis gis. Nvng ngos lyis boms mas dah thoenkgus jesdvp teh gomh toh. Nghuot laus eq nvng ngos lyis tamh lyis ngos gyuk.

⁸YHENSAIN eh, ngos nvng lyis lui. Ngos lyis jenh pangh aq oen dung.

⁹Ngos shei loh lyis nvng lyis chah vkyuh dyei? Ngos lopdwang mas gyoh loh lyis chah vkyuh bos lah? Shei bang nvng lyis yoh chungh lah? Nah wontang cho lhyi nyamoq yoh taiq hoeuh dyei das lah?

¹⁰YHENSAIN eh, gyo yoeus las ngos lyis nhaiqnyen aq. YHENSAIN eh ngos lyis jenh pangh aq.

¹¹Nvng ngah nhaiqkuk cho lhyi, gaus las goh yvpheh lhaiq kat dyei. Ngah nhaiqkuk cho lhyi yoeus tyamp dyei las gauslaus cho yah lhaink toh dyei.

¹²Housoeh yvmvyah ngos samlo ma nyeis, ngos nvng lyis chunghthwe kat las chungh das. YHENSAIN eh, nvng gas ngah Mangso nghuot. Ngos nvng lyis vcaiq vto nhaiqshoqlang chungh das.