Read Achang CHUNGH 32 Bible Online

CHUNGH 32 - Achang bible

CHUNGH 32

¹Lyi lhyweq zis lyis khyuot dyei las yaunos lyis nghop tyamp dyei zis xauh soeu ka ngelhoq.

²YHENSAIN yah yobos huon zis ma xauh, mhuihjyomh cho ma bos soeu ka ngelhoq.

³Ngos ngah yobos ma rhen lhyi, ngos dvbuis yah ngaus las nyungdaus nyeis.

⁴YHENSAIN eh, nvng ngos lyis nyeih nyenh yobos dyei las, ngah yom gas zvnwvng zoh dah jyweh teh kyuk tyamp goeus. (Selah)

⁵Ngos kuot shuot zis ma zauh toh lo, ngah yaunos nvng lyis rhen, ngos nvng lyis rhen das oen nghamh thyet las, nvng ngah yaunos dvnganh khyuot tyamp dyei. (Selah)

⁶Housoeh las nah dius jens gas chah nyeis uhlyis nvng lyis shvmanh dung chah. Yaukyenh shanghsenh zainsmuh duon nhoenk los lyis hauh zis nyamoq lyis ma los yoh zangh.

⁷Nvng gas ngah tamhgus nghuot; nvng ngos lyis chiqjyen mhayah khyuot kat. Nvng ngos lyis gos dyei yvmvyah ngos nah khyuot yoeus cho lhyi kaiq chungh das. (Selah)

⁸Ngos nvng loh chah cho lhyi tuonh shet las jyauh das, ngos nvng lyis shet das, joeui dyei das, ge YHENSAIN taiq.

⁹Nyang, nghuot ya mauhlyihzoe teh vkoh goh: Hauh bang gas domsyos gyo das nyhenshang, lungthungh yahge uhkhyoq yah joeu chah.

¹⁰Lhung soeu xiklyis chiqjyen nyoshoq xauh laus eq, YHENSAIN lhyi loms bang lyis gas nyah mathank magons jyetdap zis yah gos toh.

¹¹Dan bang eh, YHENSAIN mha gaus zis yah chungh geh; ehnyet zungh bang eh, gauslaus zis yah chungh geh.