Read Achang CHUNGH 4 Bible Online

CHUNGH 4 - Achang bible

CHUNGH 4

¹Dan dah ngah Mangso eh, ngos lui lyis toeuh dyei aq. Ngos nyungdaus lyis nvng ngos lyis pangh dyei. Ngos lyis nhaiqnyen zis yah ngos dung dang gyo dyei aq.

²Dius jens eh, namoq khanhamp jweh shoq ngah nyoqnho ngelang lyis xoq lhoq phuh das lah? Khanhamp jweh shoq vkyuh ma bos dang lyis ngwis las hwah cho lhyi chank xo das lah? (Selah)

³YHENSAIN ka dan soeu lhyi nyah xiklyis toeuq toh goeus zis seq geh. Ngos YHENSAIN lhyi lui lyis nyang ngos lyis gyo dyei das.

⁴Nhaiqyo laus eq yaunos vkuot goh, Yhetyos mas samlo lhain toh uhlyis vsainnyang nghamh suon yoeuh geh. (Selah)

⁵Dan dah lomhxangh lyis lainh geh. YHENSAIN lhyi loms geh.

⁶Yang lyis gis zis hank yoh chixoeuq das lah, ge nyoshoq moq taiq. YHENSAIN eh, nah nyoqnho dah bvng zis ngamoq thoq mas pank dyei aq.

⁷Nyamoq dah jyo yahge zvbiq nyhink je los yoq lyis gausyis thoq lyis nvng ngah ehnyet mas gauslaus cho tyink dyei.

⁸Ngos nyenstap zis yah lhain lha yhet joq: khasoeh ge lyis YHENSAIN eh, nvng kyingh ngos lyis gau yvmas nyeis nhang.