Read Achang CHUNGH 41 Bible Online

CHUNGH 41 - Achang bible

CHUNGH 41

¹Shohjyen bang lyis nghamh yoeuh soeu ka ngelhoq: YHENSAIN ka hauh soeu lhyi chiqjyen shishenh masyah khyuot kat das.

²YHENSAIN ka nyang lyis gomh las kang lhuiq kat das: Nyang hauh munghdan mas pyo pyo xauh nyeis las, jeswus jens o khyvlyis nyamoq lyis kyauh tyamp das zis ma nghuot.

³YHENSAIN ka nyang lyis nos nyeis yhetyos mas yomdyei; nosthyoh lyis nvng ngah yhetyos mas noshuiq los nhang.

⁴Ngos gas, YHENSAIN eh, ngos lyis nhaiqnyen aq, ngah dyos lyis yhoh dyei aq: khasoeh ge lyis ngos nvng lyis cu goeus, oen dung.

⁵Ngah jeswus jens ngos lyis ma gis khyvlyis, nyah nyings dyuk bas jungh, nyang khanhamp shei das, ge.

⁶Nyamoq ngos lyis los komh uhlyis nyamoq hwah dang dvtaiq. Nhaiqlom mas lyi ma chi cho lhyi comh las, nghe pheh thuq goeus ya, hauh yvlyis hoeuh kat.

⁷Ngos lyis hoeng bang dvnganh, ngah cho nhuotsot sot: ngos nos das cho lhaink.

⁸Nyang mas ma gis noslom kyenh dap joq las: nyang gvshih lains joq, nyang ma toq los lo das, tsain ge.

⁹Ngos loms toh, ngah wom zo dah ngah dyenschangh yangh ngos lyis nyah khyeichuk yah thoenk.

¹⁰YHENSAIN eh, ngos nyamoq lyis lvto yoh phuk bas jungh, ngos lyis nhaiqnyen zis yah she toq aq.

¹¹Ngah jes jens ngos lyis ma ung yvmvyah, nvng ngos lyis nhaiqdoeus nyeis zis gas ngos seq.

¹²Ngos jus zis kuot yvmvyah nvng ngos lyis pangh. Nvng ngos lyis vjangh nah nyoqlvtjvng mas toh.

¹³YHENSAIN, Israel dah Mangso lhyi chungh aq! Nyang lyis gvshih masyah vcaiq caiq vto to chungh geh! Amen, nghuot goeus, Amen.