Read Achang CHUNGH 46 Bible Online

CHUNGH 46 - Achang bible

CHUNGH 46

¹Mangso ka ngamoq dah khaugus yahge yom nghuot. Chiqjyen uhlyis pangh das zis cicont nghuot.

²Housoeh yvmvyah nyeisjvng cheh loh las boms jens gas thomh gungs mas tsain gyoh laus eq, ngamoq ma gyuk das.

³Jeisphauq nyings las tsoeu nyeis zis yahge hauh zis toeukhuk los gvng mas boms tsain nonh nyeis laus eq ma gyuk noh. (Selah)

⁴Jeis dvlvng bos, hauh jeislo lvng gas Mangso dah wus ge, Nyhang Thank Soeu dah zvng, gyingshang joqyos lyis tsain gaus nhang.

⁵Mangso ka hauh vgungs mas nyeis. Hauh wus gas ma lop ma loeh. Mangso ka nyoq nyvng los lyis yah pangh nyeis.

⁶Dius nyau jens hoeu nyeis, munghdan tsain nonh nyeis; nyang nyah thwe kat kat las nyeisjvng yaus tyamp.

⁷Yomzains YHENSAIN yang yah dvgeh nyeis. Yakop dah Mangso ka yah khaugus nghuot. (Selah)

⁸Los geh YHENSAIN dah muhzoh lyis yoeuh geh, nyeisjvng lyis jyamhjyuklhyuk kuot tyamp.

⁹Nyeisjvng thank shoq mas moeng dyoq yvlyis dvm nhang. Lyei lyis khyauh las lham lhyi aiq doeus khyoq tyamp. Lhyingh lyis eq nyi yah ngheq tyamp.

¹⁰Nyens nyens nyeis geh, ngos Mangso nghuot yvlyis seq geh. Dius nyau mas ngos chunghtoq zis xauh las nyeisjvng mas ngos chunghtoq zis xauh das.

¹¹Yomzains YHENSAIN yang yah dvgeh nyeis: Yakop dah Mangso ka yah khaugus nghuot. (Selah)