Read Achang CHUNGH 47 Bible Online

CHUNGH 47 - Achang bible

CHUNGH 47

¹Dius dvnganh gausyis loq tyuk geh; Mangso lhyi kaiq chungh geh.

²Nyhang Thank YHENSAIN lhyi gyukwoms chah. Nyeisjvng gonh dah Hwankti zainsmuh nghuot.

³Nyang yang lyis ung cho dyei, nyang yang lyis dius nyau jens lyis guon nhang.

⁴Nyang yah xiklyis yang nyeis dah maunyeis khyen dyei, nyang jyet dah dius jens sain dah vso khyen dyei. (Selah)

⁵Mangso nyah hwankti tank pheh doq loh. YHENSAIN doq loh nyeis lyis gaus las kaiq thwe, lvbuh muot thwe bos.

⁶Mangso lhyi chunghthwe kat geh, yah Hwankti lhyi lvkhyank kat geh.

⁷Mangso ka mungkvn gonh dah hwankti nghuot; chunghthwe yah chungh geh.

⁸Mangso ka nyah gyingshang hwankti tank mas tsung lha dius nyau jens lyis guon nyeis.

⁹Abraham Mangso dah dius jens yah dvgeh, vnyau dah zau jens huom toh: Jesphung dvnganh thoq lyis yomsoq zes bos soeu ka nyang nghuot. Nyang gas dvnganh thoq mas vzainsmuh nghuot.