Read Achang CHUNGH 48 Bible Online

CHUNGH 48 - Achang bible

CHUNGH 48

¹Yah Mangso dah wus yahge nyah gyingshang yhen mha YHENSAIN ka kuhxing nyeis las svsoh chungh mon.

²Nyhang yungh doq loh dah Zion boms gas, mungkvn gonh dah gauslaus joqyos, hwankti zainsmuh dah wus nghuot.

³Mangso ka wus dah thoenkgus jesdvp vkhau mha nyang yah dvgeh nyeis zis gas jesluiq cho nghuot yvlyis chixoeuq.

⁴Hwankti jens dvgeh huom lha nyamoq Zion boms lyis los zan.

⁵Nyamoq hauh zis nyvng lyis mauh las dvn zis yah phang loh.

⁶Nyamoq hauh yvmas gyuk dvn las lokhoeu nos nos dah vmesbih teh nos xauh nyeis;

⁷than dah lyeis jyang yah toqh kat dah sangpho jens teh bweh nyeis.

⁸Ngamoq Mangso cha kuot khoq zis xauhgyo, gvshih Maukhung Jesphung YHENSAIN ngamoq Mangso dah wus lyis nyvng goeus. Nyang hauh wus lyis jes ma bos shoq vcaiq vto gomh das. (Selah)

⁹Mangso eh, nah Yhenmuh khau mha ngamoq nah jyetdap sainhnos zis lyis soh nyeis.

¹⁰Dvkhauyah dah dius jens nvng lyis chungh nyeis; nah nyings nyeisjvng gonh hoeuh jyangh toh. Nvng gas lyi jus khyvlyis guon nyeis.

¹¹Nah soetuon cho gvng mas, Zion boms gauslaus bas jungh. Yuda wus gauslaus cho joq bas jungh.

¹²Zion lhyi suh lhaink yoeuh geh, nyah tyoeuqzvm lyis suon yoeuh geh.

¹³Thang caiq bang lyis yoh taiq kyoh das xiklyis hau ciank lyis comh geh, nyah hwankti yhen jens lyis nghamh suon yoeuh geh.

¹⁴Haih Mangso ka yah dah vcaiq vto Mangso nghuot: Nyang yang lyis jweh los das shishenh dvnganh mas choshe das.