Read Achang CHUNGH 51 Bible Online

CHUNGH 51 - Achang bible

CHUNGH 51

¹Mangso eh, nah jyetdap sainhnos zis yah ngos lyis nhaiqnyen aq. Nah kuh thank nhaiqnyen shohgyo zis yah ngos lyi lhyweq cho lhyi buot tyamp dyei aq.

²Ngah lyi ma chi cho lhyi shank shoq cheih dyei aq. Ngah yaunos masyah ngos lyis cheihshang kat aq.

³Ngos ngah lyi lhyweq cho seq toh las, ngah yaunos ngah xikkhonh mas vjangh joq.

⁴Nvng taiq dang dan bas jungh, nah soetuon cho mha yobos huon chank ma bos bas jungh, ngos nvng lyis kyingh yobos kuot las, nah xikkhonh mas ma gis muh kuot goeus.

⁵Yoeuh aq, ngos yaunos mas khoeu los las ungwes ung masyah yangh yaunos dap.

⁶Ungkhau mha dah jyoeng cho lhyi nvng ngwis las noq thank dah ngah nhaiqlom mas nvng ngos lyis joeui seq nhang aq.

⁷Shomnhamh kyang yah nvng ngos lyis cheihshang lha ngos lhoqshang. Ngos lyis cheih dyei las ngos gyu thoq lyis thyoeu los das.

⁸Nvng khyauh tyamp dah shohyau doms tsain gauslaus bas jungh, gauslaus zis yahge gausyis zis kyoh aq.

⁹Ngah yaunos masyah nah nyoqnho shung tyamp las, ngah lyi ma chi cho dvnganh lyis buot tyamp dyei aq.

¹⁰Mangso eh, ngos mas lhoqshang ehnyet gvnkhanh toh las, goeng joq dah dyos ngah vkhau mha doms kat dyei aq.

¹¹Ngos lyis nah xikkhonh masyah vkhat tyamp. Ngah jyank masyah nah Gyingshang Dyos vyoeus tyamp.

¹²Nah khyuot yoeus cho dah gauslaus zis gas ngos lyis doms dyei las, Mes dah Dyos yah ngos lyis thuk toh aq.

¹³Houlhyi lyi lhyweq bang lyis ngos nah cho jyauh las, yaunos wons bang nah jyank mas thaiq los das.

¹⁴Mangso eh, ngos lyis khyuot yoeus Mangso eh, suih huot yobos masyah ngos lyis lhuiq kat aq. Hauh uhlyis ngah lhyo nah dan cho lyi kaiq chungh das.

¹⁵YHENSAIN eh, ngah nhuotkuk haq nhang aq. Housoeh lyis ngah nhuot nvng lyis chungh das cho taiq kyoh das.

¹⁶Nvng phudyei yvlyis ma ngwis, ma nghuot ya ngos dyei das: ngheq dyei jyungshuk lyis eq nvng ma gaus.

¹⁷Mangso jyet dah phudyei gas nhaiqngis dah dyos, nhaiqngis las curhen nhaiqlom nghuot. Mangso eh, nvng hauh yvlyis ma peq tyamp dyei.

¹⁸Nah kang twih ehnyet yah Zion lhyi gis zis kuot dyei aq. Yerusalem wusciank doms ci toh dyei aq.

¹⁹Housoeh nvng gas dan dah phudyei, ngheq dyei jyungshuk yahge gungs gonh ngheq dyei jyungshuk lyis nhaiqdoeus. Nah phon thoq mas nyamoq noeulu phudyei das.