Read Achang CHUNGH 52 Bible Online

CHUNGH 52 - Achang bible

CHUNGH 52

¹Zau soeu Doeg eh, nvng ma gis cho mha chamus moengs nyeis lah? Mangso dah wontang cho ka vjangh joq.

²Nvng gohyuk dyoqbis das cho nghamh toeuq nyeis. Nah lhyo ka zuk dah uhyuk shamthoh teh hwah cho lhoq thuq nyeis.

³Nvng gas gis zis thoq lyis ma gis yvlyis, jyoeng zis thoq lyis hwah das yvlyis zes ngwis. (Selah)

⁴Hwah soeu eh, nvng dius jens lyis nos nhang dang lyis ngwis.

⁵Housoeh las Mangso nvng lyis vcaiq vto thyoq tyamp las, nyang nvng lyis nah yhen mhayah langshe lha dwis nyeis bang mau masyah yoeus tyamp das. (Selah)

⁶Dan bang hauh zis lyis nyvng lyis gyuk das; nyamoq nvng lyis yis zoh lyis taiq zis gas,

⁷Mangso lhyi ma khau, nyah zisyos lyis khau las nyah dah lhung cho mha yombos nyeis soeu lhyi yoeuh geh, ge das.

⁸Nghuot laus eq ngos gas Mangso yhen mha yuk dah tsanlun zains teh nghuot. Ngos Mangso dah mathank magons jyetdap yvmas vcaiq vto loms.

⁹Mangso eh, ngos nvng kuot dyei cho lhyi vjangh nhaiqshoqlang sang das; Nvng gis cho lhyi ngos nah dius jens xikkhonh mas taiq hoeuh das.