Read Achang CHUNGH 55 Bible Online

CHUNGH 55 - Achang bible

CHUNGH 55

¹Mangso eh, ngos dung dang gyo dyei aq. Ngos shvmanh dung lyis vtamh joq.

²Ngos lyis gyo yoeus las toeuh dyei aq. Ngos chiqjyen lha ma nyens ma tap mus nyeis.

³Jeswus jens dah thwe gvng mas eq, lhung bang zaiq gvng mas eq nghuot. Nyamoq ngos lyis chiqjyen she kat dyei. Nyamoq ngos lyis nhaiqyo, hoeng eq hoeng.

⁴Ngos gyuk dvn nyeis las gyukphoh shei cho ngah jyank mas jweh los.

⁵Ngos gyuk nvn zis xauh. Gyuk dvn cho ngos lyis nghop toh.

⁶Housoeh las ngos taiq zis gas, Khotjyauh teh dungs dap phoh ya ngos dang las no nyeis das.

⁷Ngos we we loh las mhanhdyvp mas nyeis das. (Selah)

⁸Ngos than dah lyeis yahge lyeismuh-jyang yah luiq shoq khaugus mas lvnyap phang luiq loh das, oen.

⁹YHENSAIN eh, lhuotzo zis yahge zan goh zis ngos nyvng goeus yvmvyah, nyamoq dah nyingh lhoq nhunk las kang mhont tyamp dyei aq.

¹⁰Nyamoq gas nyamoq wusciank thoq mas nyeih nyenh suh lhain lha, houmha dius sat cho yahge yau cho bos.

¹¹Houmha dvkhauyah thyoqpi cho kyingh nghuot. Hauh talhoeu mha mhuih cho yahge zaiq cho yah dyingh joq.

¹²Ngos lyis ngah jeswus jwangh ya ngos yoh jhen. Ngos yah tyi soeu ngos lyis whahkhoeuh los lyis ngos nyang lyis yoh tamh.

¹³Nghuot laus eq hauh zis gas nvng, ngah shot pheh soeu, ngah buisnoms, ni goh dyenschangh dvnghuot.

¹⁴Ngamoq dang chau yah bvng bvng jisgoh, Yhenmuh mas dvgeh paiq.

¹⁵Ngah jeswus gas nyamoq shishenh ma jweh shih lyis shei bas jungh; nyamoq shei mau mas vdwis gyoh loh bas jungh. Ma gis cho ka nyamoq yhen mha joq. Nyamoq ehnyet mas eq bos.

¹⁶Nghuot laus eq ngos gas YHENSAIN Mangso pangh das xiklyis lui las nyang ngos lyis khyuot yoeus das.

¹⁷Nvpsangh, nyeihgungs nyenh lyis ngos shvmanh kaiq dung das las nyang ngah thwe lhyi gyo dyei das.

¹⁸Ngos lyis tyi bang, ngah jeswus jens nyoshoq yah jeszan yvmvyah nyang ngos lyis jesluiq shohluiq shwih tauh los das.

¹⁹Nyamoq nhaiqlom ma thaiq zis yahge Mangso lhyi ma gyuk yvmvyah, gohlhain yah nyeis dah Mangso ka nyamoq lyis gyo las yaukyenh nhang das. (Selah)

²⁰Gohlhain ngah shot pheh soeu ka nyah thanghchvp thyoq las nyah dyenschangh jens lyis zan.

²¹Nyah dang gas nauh coeu thoq lyis jyot laus eq nyah nhaiqlom mas gas hoeng cho bos. Nyah dang gas coeu thoq lyis nhamp laus eq nyamoq gas shamshe nyeis.

²²Nah yau cho YHENSAIN lhyi toh dyei aq, nyang nvng lyis gos dyei das. Nyang dan bang lyis khanhamp eq ma somh loh nhang.

²³Mangso eh, nvng gas dius sat bang yahge hwah bang lyis nyamoq dah kang dvgohyih ma nghuot shih lyis lop mas khyoq aq. Nghuot laus eq ngos gas nvng lyis dvloms toh das.