Read Achang CHUNGH 56 Bible Online

CHUNGH 56 - Achang bible

CHUNGH 56

¹ Mangso eh, ngos lyis nhaiqnyen aq, dius jens ngos lyis zan nyeis. Ngah jeswus jens ngos lyis vjangh shoeuhshih nyeis.

²Ngos yah khyank goh soeu ngos lyis dvnyeih gonh zan nyeis. Ngos lyis jeszan bang nyoshoq nghuot.

³Maukhung Jesphung YHENSAIN eh, ngos gyuk lyis nvng lyis loms toh das.

⁴Ngos Mangso lhyi loms las ma gyuk. Nyang ngos lyis dang thoengh toh yvmvyah ngos nyang lyis chungh das. Dius ngos lyis cha yoh kuot das lah?

⁵Dvnyeih gonh ngah jeswus ngos lyis yau dyei; nyamoq vjangh ngos lyis khasoeh nos nhang das cho nghamh nyeis.

⁶Nyamoq ngos lyis sat das ge tamh joqyos mas dvgeh huom lha ngos cha kuot zis lyis zungh yoeuh nyeis.

⁷Mangso eh, nyamoq dah ma gis cho gvng mas nyamoq lyis yobos dyei aq. Nvng nyamoq lyis nhaiqyo zis yah ung tyamp aq.

⁸Ngos khasoeh yaukyenh cho nvng seq; nvng ngah nyoqdyeis lyis comh toh dyei. Hauh zis nah maussauh mas bos ma nghuot lhyeh?

⁹Mangso ka ngah shot nyeis zis ngos seq; ngos nvng lyis lui buisnyeis lyis ngah jeswus jens tauh loh das.

¹⁰Ngos lyis dangthoengh toh dah YHENSAIN lhyi chungh das.

¹¹Ngos Mangso lhyi loms toh las cha eq ma gyuk noh. Dius yah ngos lyis cha yoh kuot das lah?

¹²Mangso eh, ngos nvng lyis nyhen toh zis dyei das. Ngos nvng lyis nhaiqshoqlang jyungshuk dyei das.

¹³Nvng ngos lyis shei mhayah khyuot kat las ma somh loh nhang. Housoeh las dwis nyeis bang lyis pank dyei dah bvng yvmas, Mangso xikkhonh mas suh nyeis.