Read Achang CHUNGH 58 Bible Online

CHUNGH 58 - Achang bible

CHUNGH 58

¹Zau jens eh, namoq lyi jus khyvlyis thyet goh lhyeh? Namoq dius dvnganh lyis lyi jus khyvlyis soetuon goh lhyeh?

²Ma nghuot, namoq gas namoq yoh kuot dah ma gis cho lhyi dvnghamh nyeis. Hauh mau mas lhuotzo dah dius sat cho lhyi kuot shuot.

³Ma gis zis kuot bang gas dvcaiq gonh chah loh. Nyamoq khoeu los lyis yah hwah dang taiq.

⁴Nyamoq mas lhangnyis teh duk dyingh shoq bos. Vsainnyang dah no lyis cauq tyamp las no ma gyo dah ywimuhtsanh teh nghuot.

⁵Hauh lhangnyis gas lakleq svra dah thwe ma xauhgyo, lyes soeu dah mandan dang yangh ma gyo.

⁶Mangso eh, gyukphoh khangkhyi dah zwis lyis tsain khyauh tyamp dyei aq.

⁷Yaus loh dah jeis teh dyuk tyamp bas jungh, cho mha dah nyoq teh dyis tyamp bas jungh.

⁸Nyamoq gas ywi las dyuk tyamp dah nvbap teh, buis khanhamp eq ma nyvng ku dah loshuot teh mus bas jungh.

⁹Nyamoq ma seq shih lyis mhanh teh thyet tyamp zis xauh bas jungh; nyamoq kang dwis nyeis shih lyis Mangso ka nhaiq gis yo zis yah muot tyamp das.

¹⁰Dan soeu ka housoeh teh dah yaunos yoh bang lyis yau dyei zis nyvng lyis gaus das; nyamoq lhung bang dah suih mas nang lai loh das.

¹¹Housoeh dius jens gas, dan bang lyis phauh shang zis jyoengh bos. Mungkvn lyis soetuon dah Mangso nyeis, ge das.