Read Achang CHUNGH 6 Bible Online

CHUNGH 6 - Achang bible

CHUNGH 6

¹YHENSAIN eh, nvng ngos lyis nhaiqyo zis yah vyaus. Nah ehnyet gywes zis yah ngos lyis yobos vdyei.

²YHENSAIN eh, ngos nyungdaus lains loh nyeis yvmvyah, nhaiqnyen aq: YHENSAIN eh, ngah shohyau khih nyeis yvmvyah yhoh dyei aq.

³Ngah dyos svsoh yaukyenh nyeis: YHENSAIN eh, nvng khanhamp jweh shoq ma pangh sheq nyeis das lah?

⁴YHENSAIN eh, ngos lyis los khyuot kat aq. Nah nhaiqnyen zis yah ngos lyis shei cho mhayah kyoeu kat aq.

⁵Shei mau mas nvng lyis hank eq ma soh. Houmha nvng lyis jyehjuh hank yoh soh das lah?

⁶Ngos kuk zis yah nyungdaus nyeis; ngos nyens yau nyens ngaus las yhetyos bam, uhkhoeuq eq nyoqdyeis yah jyweq.

⁷Kuk yvmvyah nyoqjeih ma nyvng lo; ngah jeswus jens gvng mas ngos ngaus las nyoqjeih ma nyvng lo.

⁸Ngos ngaus thwe lhyi YHENSAIN xauhgyo goeus yvmvyah; lyi ma chi muh kuot bang dvnganh, ngah jyank masyah gang loh geh.

⁹Ngos dung dang lyis YHENSAIN gyo dyei; ngos shvmanh dung yvlyis YHENSAIN lhom yoeus dyei das.

¹⁰Ngah jeswus dvnganh xoq las yaukyenh zis xauh das: Nyamoq xoqphuh las nyetlos nyettant tauh loh das.