Read Achang CHUNGH 61 Bible Online

CHUNGH 61 - Achang bible

CHUNGH 61

¹Mangso eh, ngos kaiq thwe gyo dyei aq; ngos shvmanh dung dang gyo dyei aq.

²Ngos yhen yah we loh las yomgyau zis yah ngos nvng lyis lui. Ngos lyis gau dah khaugus mas shwih loh aq.

³Khasoeh ge lyis nvng gas ngos lyis gos dyei soeu, jeswus lyis tyi lha goeng dah tyoeuq zvm nghuot.

⁴Ngos lyis nah gyingshang joqyos mas dvcaiq gonh nyeis nhang aq. Nah dungs khau mha jesluiq joqyos xo nyvng nhang aq. (Selah)

⁵Mangso eh, ngos nyhen toh dang nvng xauhgyo: Nah nyings lyis gyukwoms bang dah vso vlho nvng ngos lyis dyei.

⁶Hwankti dah kang lhyi xing nhang lha nyah zvn nyoshoq caiq goeng joq bas jungh.

⁷Mangso eh, nyang gas nah xikkhonh mas vcaiq vto guon nyeis bas jungh: nyang lyis nah mathank magons jyetdap cho yahge wontang cho yah gos dyei aq.

⁸Housoeh lyis ngos nah nyings lyis vcaiq vto chungh das, nyeih khanghmuh ngos nyhen toh yvlyis kuot das.