Read Achang CHUNGH 63 Bible Online

CHUNGH 63 - Achang bible

CHUNGH 63

¹ Mangso eh, nvng ngah Mangso nghuot, ngos nvng lyis soh nyeis. Ngah dyos nvng lyis o mes nyeis zis gas jeis ma joq las kyuk dah mhanhdyvp mas jeis shet teh nghuot.

²Ngos nvng lyis gyingshang joqyos mas nyvng bas jungh. Nvng kha iq yomzains bos zis yahge kha iq phunk bos yvlyis nyvng nhang aq.

³Nah mathank magons jyetdap zis gas kang thoq lyis zes joq yvmvyah, ngos nvng lyis chungh das.

⁴Ngos dwis nyeis dvchank ngos nvng lyis nhaiqshoqlang chungh das. Ngos ngah loq toeu lha shvmanh dung das.

⁵Ngah dyos zo jo las nhaiqtap, gausyis lvkhyank yah chunghthwe kat las ngos nvng lyis chungh das.

⁶Houka ngos ngah yhetyos mas nvng lyis soh las ngos nvng lyis dvnyens yah nghamh yoeuh nyeis.

⁷Khasoeh ge lyis nvng ngos lyis vjangh pangh soeu nghuot yvmvyah ngos nah dungs buisshen mha gauslaus chunghthwe kat das.

⁸Ngah dyos nvng lyis lang toh las, nah loqyos loq ngos lyis gomh dyei.

⁹Ngah kang lhyi mhont das zis xo bang gas, shei mau mas gyoh loh das.

¹⁰Nyamoq sham mha gyoh das, womkhuih dah shoh tsain duot das.

¹¹Hwankti ka Mangso mha gauslaus das; Khasoeh ge lyis Mangso nyang lyis ung cho dyei. Mangso dah nyings yoeus las dangthoengh toh soeu hank laus eq gauslaus das: nghuot laus eq hwah bang dah nhuot lyis gas nyheih tyamp das.