Read Achang CHUNGH 64 Bible Online

CHUNGH 64 - Achang bible

CHUNGH 64

¹Mangso eh, ngos chiqjyen nyeis, ngos dung dang jenh gyo dyei aq. Ngos ngah jeswus lyis gyuk nyeis. Ngah kang lhyi khyuot yoeus aq.

²Ngos lyis lhung bang lhaink yvmvyah gos toh dyei aq. Ma gis bang dah huom mhayah gos dyei aq.

³Nyamoq dah lhyo lhyi moengsa teh swih nyeis. Nyamoq gas dang khoh yah nyo teh tsain yings toh.

⁴Houka tswi ma bos bang lyis gauh baiq das ge zis nghuot. Nyamoq ma gyuk lo nyang lyis nyetlos nyettant tsain baiq.

⁵Nyamoq ma gis dah lhaink cho mha nyang changh nyang yomdyei goh las nyamoq dah lhyik khamha thung das cho tsain xamgoh: Nyamoq gas, nyamoq lyis hank ma nyvng das, tsain ge.

⁶Nyamoq ma gis dah nghamh toeuq cho kuot las, Ngamoq dius sat cho vlhomuh nghamh toeuq toh goeus. Dius dah ehnyet mas nghamh cho ka noq las hank ma thoq seq, ge.

⁷Nghuot laus eq Mangso ka nyah nyo yah nyamoq lyis baiq las nyamoq nyetlos nyettant dvmdap.

⁸Hauh dang gvng mas nyang nyamoq lyis mhont las hauh yvlyis nyvng bang dvnganh gas jwangh khyvlyis uh tsain tyi.

⁹Hauh uhlyis dius dvnganh gyuk zis yah Mangso dah muh lyis taiq hoeuh las nyang kuot yvlyis vlhomuh nghamh yoeuh das.

¹⁰YHENSAIN kuot dyei gvng mas dan bang dvnganh gauslaus das. Nyamoq gas YHENSAIN mha gau joqyos xo nyvng das. Dius gis jens dvnganh gas nyang lyis chungh das.