Read Achang CHUNGH 67 Bible Online

CHUNGH 67 - Achang bible

CHUNGH 67

¹Mangso eh, ngamoq lyis nhaiqnyen zis yah shvmanh dyei aq. Ngamoq lyis shohgyo zis yah yoeuh dyei aq. (Selah)

²Housoeh lyis mungkvn gonh nah ehnyet yoh seq das; dius nyau dvnganh nah khyuot yoeus cho yoh seq das.

³Mangso eh, dius jens nvng lyis chungh bas jungh; dius jens dvnganh nvng lyis chungh bas jungh.

⁴Nvng gas dius jens lyis lyi jus khyvlyis soetuon dyei zis yahge nyeisjvng dius nyau khanghmuh lyis choshe yvmvyah, dius nyau jens gausyis zis yah gauslaus chunghthwe kat bas jungh. (Selah)

⁵Mangso eh, dius jens nvng lyis chungh bas jungh. Dius jens dvnganh nvng lyis chungh bas jungh.

⁶Maunyeis gas yhomh das jyo thuq los nhang. Mangso, ngamoq Mangso ngamoq lyis shvmanh dyei.

⁷Mangso ngamoq lyis shvmanh dyei; dvkhauyah dah dius jens dvnganh nyang lyis nyoqnho ngelang dyei bas jungh.