Read Achang CHUNGH 70 Bible Online

CHUNGH 70 - Achang bible

CHUNGH 70

¹Mangso eh, ngos lyis khyuot yoeus aq. YHENSAIN eh, ngos lyis gvshih pangh aq.

²Ngos lyis sat das ge yomkat bang somh las uhnungh nungh bas jungh. Ngos yaukyenh yvmvyah pyo bang gas xoqphuh zis yah tauh loh bas jungh.

³Ngos lyis jwangh nyhap bang somh zis yah yomgyau loh bas jungh.

⁴Nah jyank mas los bang dvnganh gas gausyis zis yah gauslaus bas jungh. Nah khyuot yoeus cho lhyi nhaiqshoqlang ge bang gas, vjangh yah, Mangso ka kha iq kuhxing, ge sang bas jungh.

⁵YHENSAIN eh, ngos shohjyen zis yah yomnhuk nyeis. Nghuot laus eq nvng ngos lyis ma tohnyhik. Nvng gas ngah khyuot yoeus soeu yahge ngah Mangso nghuot. Ngos lyis lvnyap los pangh aq.