Read Achang CHUNGH 73 Bible Online

CHUNGH 73 - Achang bible

CHUNGH 73

¹Mangso ka nhaiqlom lhoqshang dah Israel jens xiklyis jyoengh gis.

²Nghuot laus eq ngos nghamhnywe cho vluk chithyuk, ngah lomsjingh cho dyuk loh bah ge.

³Khasoeh ge lyis ngos lhung bang dah nyeisgis yaplhoq yvlyis nyvng lyis khwank bang lyis noh nyeis.

⁴Nyamoq nos cho ma xauh kham zo; nyamoq yanghzan las yombos.

⁵Nyamoq gas gohyhamh bang teh chiqjyen ma xauh; gohyhamh bang teh yaukyenh zis ma xauh.

⁶Housoeh nyamoq dah khwank zis gas ywi teh wuot toh; lhuotzo cho eq dyimis teh wuot toh.

⁷Nyamoq dah nhaiqlom ma yungh, nyamoq ehnyet mas lhung cho nghamh muh nyo.

⁸Nyamoq gohyuk lyis yis las ma gis zis taiq; nyamoq khwank zis yah gohyuk lyis zaiq das cho tsain nghamh toeuq.

⁹Nyamoq gas maukhung mha Mangso lhyi ma gis zis taiq, nyeisjvng thoq mas, dius lyis lhoq lhoq teh vmingh dyei.

¹⁰Housoeh las Mangso dah dius jens yangh nyamoq jyank pheh lhain loh zis yah nyamoq taiq khyvlyis nhaiq wvng wvng lomsjingh.

¹¹Nyamoq gas, Mangso ma seq das. Nyhang Thank Soeu ka ma yoh xo nyvng ge.

¹²Houka lhung bang cha yah doeusgoh cho nghuot. Nyamoq nyoshoq yoh, vjangh yah zes zes yoh los.

¹³Houlhyi ka ngos ngah nhaiqlom lyis lhoqshang nhang lha yaunos ma kuot zis gas vkom dvnghuot lhyeh?

¹⁴Mangso eh, nvng ngos lyis dvnyeih yah shanghsenh nhang; nvp khanghmuh nvng ngos lyis yobos dyei.

¹⁵Ngos housoeh sang lhyi ka, ngos gas nah dius dvyuk teh ma kuot nyeis.

¹⁶Ngos haih soe lhyi vzoh yah nghamh yoeuh nyeis, nghuot laus eq hauh zis ngah xiklyis sunk yau.

¹⁷Hauh thang lhyi ngos nah Yhenmuh mas wvng thang lhyi, lhung bang khasoeh bweh das cho seqgyo los.

¹⁸Nvng nyamoq lyis jyuot dah joqyos mas toh las, dyoqbis cho mha gyoh loh nhang.

¹⁹Nyamoq dvsoq kyingh lyis dyoqbis tyamp goeus! Nyamoq gyukphoh yvmas gyoh dyuk tyamp goeus.

²⁰Nyamoq gas nvpsangh lyis dyuk tyamp dah yhetmoq teh nghuot. YHENSAIN eh, houka nvng soh los lyis nyamoq gas dyuk tyamp goeus.

²¹Ngos nghamh cho nhaiq khoh lyis hauh zis ngah nhaiqlom mas zangh.

²²Ngos gas gaunyhauq teh koh joq; housoeh ngos nah cho ma seqgyo.

²³Nghuot laus eq ngos vjangh nvng yah ni nyeis las, nvng nah loq yah ngos lyis zwi toh.

²⁴Nah joeui da zis yah nvng ngos lyis choshe. Thang thank lyis nyoqnho ngelang yah nvng ngos lyis lhom yoeus das.

²⁵Ngos maukhung mha nvng mas lai las gohtoeu cha yoh shih das lah. Ngos nvng lyis yoh toh goeus las, ngos nyeisjvng thoq mas cha chah shih das lah.

²⁶Ngah gungsshoh yahge nhaiqlom yomnhuk lyis eq Mangso ka ngah yom nghuot; nyang gas ngos chah zis dvnganh nghuot goeus.

²⁷Nvng lyis tyamp khoq bang dyoqbis das. Nvng lyis lom ma luk bang lyis nvng dyoqbis nhang das.

²⁸Ngah xiklyis gas, Mangso yah xauh ni nyeis zis kha iq mauhphoh nghuot lah! YHENSAIN Mangso yah gos dyei das xiklyis xo lha nah muhzoh cho dvnganh taiq hoeuh das.