Read Achang CHUNGH 75 Bible Online

CHUNGH 75 - Achang bible

CHUNGH 75

¹Mangso eh, ngamoq nvng lyis nhaiqshoqlang sang, ngamoq nvng lyis nhaiqshoqlang chungh! ngamoq nvng kha iq kuhxing cho lhyi hoeuh, nvng kuot khoq dah mauhphoh muh lyis taiq.

²Mangso ka, Ngos soetuon shishenh toh, ngos lyi jus khyvlyis soetuon das, ge taiq.

³Kang dwis zis dvnganh nvn las nyeisjvng eq dwis laus eq ngos hauh vkhyei lhyi toenk nhang das. (Selah)

⁴Ngos lhung bang lyis lhoq lhoq teh ma kuot das xiklyis taiq.

⁵Ngos nyamoq khwank cho no das zis taiq.

⁶Soetuon cho ka buisthuq, buiswvng, mautsung mautyi khapheh yah eq ma los.

⁷Soetuon soeu ka Mangso kyingh dvnghuot. Nyang dvyuk lyis yobos dyei las gohtoeu dvyuk lyis phauh shangh.

⁸YHENSAIN dah loq mas nyah nhaiqyo zvbiq yah dyingh dah kom dvlom chi toh. Nyang hauh zis huot tyamp las lhung bang dvnganh hauh yvlyis tsain shuk, dvzoq eq ma nyet lo shoq shuk.

⁹Nghuot laus eq ngos gas, Yakop dah Mangso yah jisgoh, nghuot ya chunghthwe yah chungh das zis ma lyen nghuot.

¹⁰Nyang gas lhung bang dah yomsoq lyis khyauh das; nghuot laus eq dan bang dah yomsoq gas je los das.