Read Achang CHUNGH 76 Bible Online

CHUNGH 76 - Achang bible

CHUNGH 76

¹Yuda mau mas Mangso lhyi tsain seq: Israel vnyau mas, nyah nyings kuhxing joq.

²Yerusalem mas eq nyah yhen joq; Nyang Zion boms mas nyeis.

³Nyang houmha jeswus jens dah nyo, gos yahge moengsa, nyamoq dah kyonhkhyi dvnganh yvlyis khyauh tyamp. (Selah)

⁴Mangso eh, Nvng kha iq phunk bos lah! Nvng nah jeswus lyis ung dah boms masyah tauh los zis gas kha iq shoenkkhyi bos lah!

⁵Womh dah jeslo jens yoh dah vyhang dvnganh lhuot loh las gvshih nyamoq shei joq. Nyamoq dah yom yahge lyes cho dvnganh gas yhung pvjus lo.

⁶Yakop dah Mangso eh, nvng nyamoq lyis kyuk lyis nyang jens yahge, nyang ji bang gyoh shei tyamp.

⁷Nghuot laus eq YHENSAIN eh, nvng lyis dvnganhmoq gyuk: nvng nhaiqyo lyis nah xikkhonh mas hank ma yoh yap.

⁸Nah soetuon cho ka maukhung mhayah thuq los las mungkvn gas gyuk las samlo nyeis.

⁹Mangso soetuon das ge toq los lyis nyeisjvng thoq mas dah zaiq zis xauh bang dvnganh lyis khyuot das. (Selah)

¹⁰Dius dah nhaiqyo zis gas nvng lyis zes chungh das cho bweh los. Jes masyah doeng los bang gas nah pwe lyis kuot das.

¹¹YHENSAIN, nah Mangso lhyi nvng nyhen toh zis dyei aq, ni nyeis dah dius nyau dvnganhmoq, nyah jyank mas jyungshuk chi los geh. Mangso ka dius jens lyis gyuk nhang.

¹²Nyang gas khwank dah hwankti lo jens lyis nyhen mha gyoh nhang, hwankti zainsmuh jens lyis gyuk nhang.