Read Achang CHUNGH 8 Bible Online

CHUNGH 8 - Achang bible

CHUNGH 8

¹YHENSAIN ngamoq dah YHENSAIN eh, nah phunk gas maukhung thoq mas goeng joq, nyeisjvng thoq mas nah nyings gas kha iq hoeuh jyangh toh lah!

²Hauh cho lhyi loshang jens yahge nauh shuk bang dah nhuot masyah chunghthwe kat dyei. Nvng lyis tyi bang dvnganh lyis nvng tomp toh. Nvng gas jesluiq shohluiq.

³Ngos nvng kuot toh dah maukhung yahge nvng nyah joqyos mas tap toh dah lhamhmuh yahge kyi jens lyis yoeuh lyis,

⁴nvng soh nyeis dah dius yahge nvng komh yoeuh nyeis dah cangsoeu ka cha nghuot lah?

⁵Nvng nyang lyis nah o mha dvtsiq nyhen nhang lha nyang lyis phunk yahge nyoqnho ngelang tsungh dyei toh.

⁶Nah loqmuh thoq mas nvng nyang lyis guon nhang lha vyhang dvnganh nyah khyei o mha toh toh zis gas:

⁷Yvng phung yahge noeu phung dvnganh, pa mha dah yewus,

⁸Mau mas nghoq, thomh mas oeng yahge thomh cho mha loh ya loh zis tsain nghuot.

⁹YHENSAIN ngamoq dah YHENSAIN eh, nyeisjvng thoq mas nah nyings kha iq hoeuh jyangh toh!