Read Achang CHUNGH 82 Bible Online

CHUNGH 82 - Achang bible

CHUNGH 82

¹Mangso ka nyah maukhung huom mha joqyos yoeus. Nyang mangso jens mas nyah soetuon cho hoeuh kat.

²Namoq ma jus khyvlyis soetuon cho no chah, namoq lhung bang yah yoh xonh das zis ma nghuot. (Selah)

³Shohjyen bang yahge chauhlo jens lyis gos dyei geh. Yaukyenh bang yahge yuot shet bang lyis lyi jus khyvlyis kuot geh.

⁴Nyamoq lyis ma gis bang dah yomsoq masyah khyuot kat chah.

⁵Mangso jens gas cha ma seq, cha ma daq gyo. Nyamoq gas dyoqbis goeus, lyi jus cho ka mungkvn masyah dyuk loh goeus.

⁶Namoq gas mangso jens nghuot, namoq dvnganh gas Nyhang Thank lo jens nghuot.

⁷Nghuot laus eq namoq gas dius jens teh shei das, nah kang ka zaulo jens teh thank loh das, oen ngos taiq.

⁸Mangso eh, los aq, mungkvn lyis guon aq, dius nyau dvnganh gas nah zis nghuot.