Read Achang CHUNGH 85 Bible Online

CHUNGH 85 - Achang bible

CHUNGH 85

¹YHENSAIN eh, nvng nah mau lyis nhaiqnyen. Nvng Israel lyis nyeisgis yaplhoq cho doms dyei.

²Nvng nah vnyau dah yaunos khyuot dyei las, nyamoq yaunos dvnganh lyis nghop tyamp dyei. (Selah)

³Nvng nyamoq lyis nhaiq ma yo lo; nah nhaiqlom tsoeu yvlyis khyoq tyamp.

⁴Ngamoq dah khyuot yoeus Mangso eh, Ngamoq lyis doms toeu lha, ngamoq lyis hoeng cho bi nhang aq.

⁵Nvng ngamoq lyis nhaiq doms yo das lah? Nah nhaiqyo cho ma bi lo das lah?

⁶Ngamoq lyis yom doms bos nhang aq, housoeh lyis ngamoq nah dius jens, nvng lyis chungh das.

⁷YHENSAIN eh, nah mathank magons jyetdap cho ngamoq lyis chixoeuq las, nah khyuot yoeus cho ngamoq lyis dyei aq.

⁸Ngos YHENSAIN Mangso taiq dang lyis gyo nyeis. Nyang nyah dius jens nghuot dah ngamoq lyis nyenstap dangthoengh dyei. Ngamoq gas ngamoq nyang dah koh cho mha ma doms wvng lyis gas,

⁹Jyoengh, nyang gas nyang lyis gyukwoms bang lyis khyuot yoeus das zis cicont nghuot. Housoeh lyis nyah phunk eq ngamoq mau mas joq das.

¹⁰Jyetdap cho yahge wontang cho zopgoh das. Dan cho yahge nyenstap cho eq nyang changh nyang potanh goh das.

¹¹Dius dah dang jyoeng cho ka nyeisjvng masyah dyvm thuq los das, Mangso dah dan cho ka maukhung mhayah yoeuh khyoq kat das.

¹²YHENSAIN ka ngamoq lyis nyeisgis yaplhoq nhang das las, ngamoq maunyeis gas jyo nyoshoq xauh yhomh nhang das.

¹³Dan cho ka YHENSAIN xik mas loh las nyah xiklyis cho sont toh dyei das.