Read Achang CHUNGH 91 Bible Online

CHUNGH 91 - Achang bible

CHUNGH 91

¹Nyhang Thank Soeu dah khaugus mas nyeis soeu ka Maukhung Jesphung buisshen mha xauh no das.

²Ngos YHENSAIN lhyi, Nvng ngah khaugus, ngah thoenkgus jesdvp, ngah Mangso nghuot las ngos nvng lyis loms, oen das.

³Nyang gas nvng lyis ma nyvng dah jes dvnganh masyah lhuiq kat das, shei nhang yomh masyah eq lhuiq kat das.

⁴Nyang nvng lyis nyah dungs yah nghop las, nyah dungs khau mha xauh khau nyeis das: Nyah wontang cho ka nvng lyis gos las khomp toh das.

⁵Nyenh lyis dah jes cha lyis eq ma gyuk noh, nyeih lyis zan los yvlyis eq ma gyuk noh.

⁶Mauchuotdwang lyis twangh dah yomh yahge nyeih lyis shei nhang dah ma gis cho lhyi ma gyuk noh.

⁷Nah vyvm mas dius dvkhyoengh gyoh shei laus eq, nah yvmlhaink mas dvmons gyoh laus eq, hauh zis nvng lyis ma yoh zangh.

⁸Nvng nah nyoq yah yoeuh lyis, lhung bang lyis yobos khasoeh dyei zis nyvng das.

⁹Nvng nah YHENSAIN lhyi nvng lyis khomp dyei soeu, Nyhang Thank Soeu lhyi, nah gos kuot.

¹⁰Housoeh las ma gis zis nah jyank mas ma jweh, nvng nyeis yvmas chah thyoq zo cho ma yoh ni los.

¹¹Nvng loh yvmas nvng lyis gomh das xiklyis Mangso ka nyah loeuswons bang lyis tying toh das.

¹²Nah khyei lukzains mas ma thungh bas jungh, nyamoq loq yah nvng lyis po yoeus das.

¹³Khangkhyi yahge lhangnyis lyis nvng yoh nang nheh das, gyukphoh khangkhyi yahge duk bos lhangnyis lyis yoh nang nheh das.

¹⁴Mangso ka, Ngos lyis jyet bang lyis khyuot yoeus das. Ngos lyis YHENSAIN nghuot ge seq bang lyis gos dyei das.

¹⁵Nyamoq ngos lyis lui lyis ngos toeuh das, nyamoq chiqjyen lhyi ngos nyamoq yah dvgeh nyeis das. Ngos nyamoq lyis khyuot kat las nyoqnho ngelang dyei das.

¹⁶Ngos nyamoq lyis kang xing nhang zis yah phauh shangh das. Ngos nyamoq lyis khyuot yoeus das, ge.