Read Achang CHUNGH 92 Bible Online

CHUNGH 92 - Achang bible

CHUNGH 92

¹YHENSAIN eh, nvng lyis nhaiqshoqlang sang das zis kha iq gis! Nyhang Thank Mangso eh, nvng lyis nyoqnho ngelang dyei cho chungh das.

²Nvp yau nvp nah mathank magons jyetdap cho lhyi kyoh das, nyens yau nyens nah wontang cho lhyi kyoh das.

³Twih bos dah toenk khvlhank yahge gyomes toenklo yah chungh gis.

⁴YHENSAIN eh, nah yomzains muhzoh gas ngos lyis gaus nhang lha, nvng kuot khoq goeus yvmvyah ngos gauslaus cho chungh.

⁵YHENSAIN eh, nah muhzoh kha iq kuh joq! Nvng nghamh cho svsoh noq.

⁶Hauh cho ka koh soeu ma yoh seq, ma yik soeu ma seqgyo.

⁷Lhung bang mhanh teh tuot los das, ma jus zis kuot bang ung los mvbeh nghuot laus eq nyamoq gas dvnganh dyoqbis das.

⁸Nghuot laus eq YHENSAIN eh, nvng gas vcaiq vto nyhang joq soeu nghuot.

⁹YHENSAIN eh, nah jeswus jens shei das, lhung bang dvnganh eq somh loh das zis ngamoq seq.

¹⁰Nvng ngos lyis noeuphuk lu teh yombos nhang, nvng ngos lyis pyo cho shvmanh dyei.

¹¹Ngos ngah jeswus somh loh zis nyvng, lhung bang ngaus thwe eq xauhgyo.

¹²Dan soeu ka dyoms zains teh yoh yuk las Lebanon boms mas dah arit zains teh kuh nyhang los das.

¹³Houka YHENSAIN dah yhen mha tsungh toh dah saiqzains teh nghuot, houka Mangso dah yhenmuh mas yuk yungh joq.

¹⁴Houka nyenhkyi kuh laus eq nyamoq vshih shih, yangh zis yah vjangh nyaus joq.

¹⁵Hauh zis gas YHENSAIN ka dan, ge chixoeuq. Ngos lyis gos soeu, nyang mas shuot cho ma bos.