Read Achang CHUNGH 95 Bible Online

CHUNGH 95 - Achang bible

CHUNGH 95

¹Los geh, YHENSAIN lhyi chungh goh. Yang lyis khyuot yoeus soeu, yah luk-uk Mangso lhyi gaus gaus yis yis chunghthwe kat goh.

²Nhaiqshoqlang oen yang nyah xikkhonh mas wvng goh, chunghthwe yah nyang lyis gaus gaus yis yis chungh goh.

³Khasoeh ge lyis YHENSAIN ka yomzains Mangso, mangso jens dvnganh thoq lyis yomzains Hwankti nghuot.

⁴Nyang nyeisjvng gonh lyis guon nyeis, houka noq thank lukkhyung mhayah nyhang thank boms jweh shoq nghuot.

⁵Nyang kuot toh dah thomh lyis eq nyang guon nyeis; nyah loq yah kuot toh dah mau lyis eq nyang guon nyeis.

⁶Los geh, yang gop las nyang lyis paiq goh, yang lyis kuot toh Soeu YHENSAIN xikkhonh mas phvluk zomhgyuis goh.

⁷Nyang gas yah Mangso nghuot. Yang gas nyang gomh kat dah dius jens, nyang nyhoeu tsoh nyeis dah yvng phung nghuot. Khvnyhik nyang cha taiq zis gyo yoeus geh.

⁸Meriba mas namoq dah phauh thyeih moq teh ehnyet vthan goh, mhanhdyvp Masa mas bweh dah buisnyeis lyis teh vkuot goh.

⁹Nyamoq gas ngos nyamoq lyis cha kuot dyei zis lyis nyvng laus eq, houmha nyamoq ngos lyis shi yoeuh.

¹⁰Ngos gas nyeici zvn top hauh dius jens lyis nhaiqyo. Ngos gas, Nyamoq kha iq nhangh lom maluk bang nghuot lah, oen. Ngos tying dang lyis nyamoq domsyos ma gyo.

¹¹Housoeh las ngos nhaiqyo zis yah, Ngos nyamoq lyis no nhang das oen dyei toh mau mas khanhamp eq ma xauh wvng das, oen maukhi toh, ge.