Read Achang CHUNGH 96 Bible Online

CHUNGH 96 - Achang bible

CHUNGH 96

¹YHENSAIN lhyi chunghthwe vsaiq kat las chungh geh, YHENSAIN lhyi mungkvn gonh chunghthwe kat geh.

²YHENSAIN lhyi chunghthwe kat las chungh geh. Nyeih yau nyeih nyang yang lyis khyuot goeus cho, gis dah loeus saiq lyis taiq hoeuh geh.

³Dius nyau lyis nyah phunk, dius dvnganh lyis nyah yomzains muhzoh lyis kyoh geh.

⁴YHENSAIN ka kuhxing lha, loh thank chungh mon soeu nghuot: mangso jens dvnganh thoq lyis nyang lyis zes phauh nyang chah.

⁵Gohtoeu dius nyau jens dah mangso jens gas phvra dvtsain nghuot: YHENSAIN ka maukhung lhyi gvnkhanh toh.

⁶Nyang mas phunk nyoqnho ngelang yahge shoenkkhyi bos; yomsoq yahge yunghshop zis gas nyah Yhenmuh mas dyingh joq.

⁷Nyeisjvng thoq mas nyeis bang dvnganh eh, YHENSAIN lhyi chungh geh; Nyah phunk yahge yomzains lyis chungh geh.

⁸YHENSAIN dah phunk bos nyings lyis chungh geh. Jyungshuk chi lha nyah Yhenmuh mas wvng geh.

⁹Gyingshang Soeu thuq los lyis nyah xikkhonh mas dupaiq geh. Nyeisjvng gonh nyah xikkhonh mas gyuk nvn nyeis geh.

¹⁰YHENSAIN ka hwankti nghuot, oen dius nyau jens lyis taiq geh. Nyang gas nyeisjvng lyis goeng goeng toh. Hauh zis ma lop ma loeh nghuot. Nyang gas dius jens lyis dan khyvlyis soetuon das.

¹¹Maukhung nyeisjvng gausyis bas jungh. Thomh eh, nvng mas bos ya bos zis hoeu bas jungh.

¹²Jangpa yahge houmha nyeis ya nyeis zis dvnganh gaus nyeis bas jungh. Jyom mha dah saiq dvnganh gaus gaus yis yis tsain kaiq das.

¹³Houka YHENSAIN nyeisjvng lyis los guon uhlyis nghuot das. Nyang gas mungkvn dius jens lyis lyi jus khyvlyis, yih khyvlyis guon das.