Read Achang CHUNGH 97 Bible Online

CHUNGH 97 - Achang bible

CHUNGH 97

¹YHENSAIN ka hwankti nghuot; nyeisjvng dius jens eh, gauslaus geh! Thomh yahge goeujo mas nyeis bang eh, gauslaus nyeis geh.

²Jyommauh yahge mauchuotdwang nyang lyis lhaink toh. Nyang gas dan cho yahge lyi jus cho yah guon nyeis.

³Nyah xik pheh nyi loh las nyah vyvm vwi mas dah jeswus jens lyis ngheq tyamp.

⁴Nyah maunyoq mungkvn lyis pank dyei; hauh yvlyis nyeisjvng nyvng las gyuk nvn nyeis.

⁵YHENSAIN xikkhonh, nyeisjvng gonh dah YHENSAIN xikkhonh mas boms jens gas dyomanh teh ngeh yaus tyamp.

⁶Maukhung ka nyah dan cho lhyi kyoh las, dius nyau jens dvnganh nyah phunk lyis nyvng.

⁷Phvra lho lhyi paiq soeu khanghmuh xoqphuh das; mangso jens dvnganh gas YHENSAIN xikkhonh mas dupaiq.

⁸YHENSAIN eh nah soetuon cho gvng mas Zion mas bang gausyis nyeis. Yuda wus jens mas bang eq gauslaus nyeis.

⁹Maukhung Jesphung YHENSAIN eh, nvng gas nyeisjvng dvnganh lyis guon soeu nghuot. Nvng gas mangso jens dvnganh thoq lyis zes kuhxing soeu nghuot.

¹⁰Ma gis yvlyis hoeng bang lyis YHENSAIN jyetdap; Nyang gas nyah dius jens dah kang lhyi gos toh dyei; nyamoq lyis lhung bang dah yomsoq masyah khyuot kat.

¹¹Dan bang thoq mas bvng zis bvng joq, dius gis jens mas gaus cho bos.

¹²Dan bang dvnganh eh, YHENSAIN mha gauslaus geh, nyah gyingshang nyings lyis chungh geh. Gyingshang Mangso kuot dyei goeus zis lyis nghamh soh las Nyang lyis nhaiqshoqlang oen geh!