Read Achang CHUNGH 98 Bible Online

CHUNGH 98 - Achang bible

CHUNGH 98

¹YHENSAIN lhyi chunghthwe vsaiq yah chungh geh; nyang gas mauhphoh zis kuot goeus. Nyah yomsoq yahge gyingshang yom yah nyang ung cho yoh goeus.

²YHENSAIN ka nyang ung dah cho kyoh kat; dius nyau jens lyis nyah khyuot yoeus yomsoq lyis seq nhang.

³Israel dius jens yah toh dah dangthoengh lyis nyang nyah nhaiqnyen cho yahge nyah wontang cho soh dyei. Nyeisjvng goms shoq, yah Mangso dah khyuot yoeus cho nyvng goeus.

⁴Nyeisjvng dius jens dvnganh YHENSAIN lhyi gauslaus chunghthwe kat geh; gauslaus chunghthwe kaiq kat zis yah nyang lyis chungh geh.

⁵YHENSAIN lhyi chunghthwe kat las chungh geh! Toenk bat, khvlhank muot las chungh geh.

⁶Lvbuh yahge noeukhyau muot las yah hwankti YHENSAIN lhyi gauslaus zis yah kaiq chungh geh.

⁷Thomh yahge houmha bos zis dvnganh, nyeisjvng yahge houmha nyeis bang kaiq geh.

⁸Jeismuh lvng jens loq tyuk geh! Boms jens eq YHENSAIN xikkhonh mas dvgeh gauslaus chunghthwe kat geh.

⁹Khasoeh ge lyis nyang nyeisjvng lyis los guon. Nyang gas mungkvn dius jens lyis lyi jus khyvlyis, yih khyvlyis guon das.