Read Achang SODANG 14 Bible Online

SODANG 14 - Achang bible

SODANG 14

¹Joeui bos dah vmesbih gas nyah yhen kuot toh. Koh dah vmesbih gas nyah yhen lhyi nyah wotwu yah dvthyoq sanh tyamp.

²Dan cho chank suh soeu ka YHENSAIN lhyi gyukwoms nyeis. Nghuot laus eq guih cho chank suh soeu ka YHENSAIN lhyi chaxwe ma nhang.

³Koh bang gas khwank zis yah taiq gvng mas yobos xauh. Nghuot laus eq joeui bos bang dah nhuotkuk gas nyamoq lyis gomh toh.

⁴Noeulu ma nyeis lyis yos ma xauh phuk las jyo ma joq; nghuot laus eq noeulu dah yom gvng mas jyo vbomsdom je los.

⁵Yoh loms phoh kanghjyoeng ka ma hwah. Ma ying kanghjyoeng ka hwah dang kyingh dvtaiq.

⁶Jwangh soeu ka joeui xo laus eq ma yoh; nghuot laus eq seqgyo soeu ka seq cho lwis lwis yoh.

⁷Koh soeu lhyi jhank aq: khasoeh ge lyis nvng nyah nhuotkuk masyah seq cho yoh das zis ma nghuot.

⁸Zaih soeu ka joeui bos: khasoeh ge lyis nyang cha kuot das zis seq; koh soeu ka koh: khasoeh ge lyis nyang mhuih soeu dvnghuot.

⁹Koh bang gas nyamoq yaunos kuot lyis chaxwe ma nhang; nghuot laus eq ehnyet zungh bang yaunos kuot lyis nyamoq rhen lha mehoq tamp cho xo.

¹⁰Nvng gaus cho lhyi eq, nvng kuk cho lhyi eq jyoengh hank ma yoh bos seq dyei.

¹¹Lhung soeu dah yhen ka toeu-mhuk tyamp das; nghuot laus eq ehnyet zungh soeu dah yhen ka ung los das.

¹²Dius xiklyis cho dvkhamh gas jus teh nghuot laus eq, thang thank lyis hauh cho ka shei cho pheh dvloh mvbeh.

¹³Yis nyeis lyis yangh nhaiqkuk nyeis mvbeh, pyo cho dah vthang ka kukxi zis nghuot mvbeh.

¹⁴Guih soeu ka nyah cho yah nyang xauh zo das. Dius gis gas nyang kuot vgus phauh shangh zis xauh das.

¹⁵Nhaiq ma bos soeu ka cha taiq cha lhyi jingh; nghuot laus eq, zaih soeu ka nyah beszoh lyis vlhomuh nghamh yoeuh.

¹⁶Joeui bos soeu ka Mangso lhyi gyukwoms las ma gis zis lyis jhank, koh soeu ka khwank zis yah chaxwe ma nhang dvkuot.

¹⁷Phyiqkhyi chung soeu ka koh cho kuot; Joeui bos soeu ka nyens nyens dvkuot.

¹⁸Nhaiq ma bos bang dah vso vlho vkoh vpaq nghuot; nghuot laus eq zaih soeu ka seq cho dah phauh shangh zis xauh das.

¹⁹Ma gis bang gas gis bang xikkhonh mas, lhung bang gas dan bang dah khyam khomh mas gop das.

²⁰Dius dvyuk gas shohjyen lhyi nyah yhenkyoh yangh nyang lyis hoeng; nghuot laus eq dis soeu ka dyenschangh nyoshoq yoh.

²¹Nyah yhenkyoh lyis dius ngis khyoq soeu ka yaunos dap soeu nghuot. Nyungs soeu lhyi nhaiqnyen soeu ka ngelhoq.

²²Ma gis khaujeini bang cho whang loh das. Gis khyvlyis nghamh bang gas jyetdap sainhnos cho yahge lomluk cho xo nyvng.

²³Yomkat zwi khank las kang khoeu soeu ka vmyat yoh das; nghuot laus eq tsung lha dang taiq yenh soeu ka shohjyen loh das.

²⁴Joeui bos bang gas dis cho phauh shangh zis xauh. Koh bang gas koh cho kyingh dvzes yoh los.

²⁵Jus dah kanghjyoeng ka kang lhyi lhuiq kat. Ma ying kanghjyoeng mha hwah zis bos.

²⁶YHENSAIN lhyi gyukwoms zis gas nghamhnywe cho dyei. Lo jens eq khaugus yoh das.

²⁷YHENSAIN lhyi gyukwoms cho ka kang dyei. Houka dius jens lyis shei dah lhyik masyah yoh khyuot yoeus dah jeisthuq dwang teh nghuot.

²⁸Dius moqjens nyo zis gas hwankti dah nyoqnho ngelang nghuot. Dius nain lyis nyang dyoqbis loh.

²⁹Nhaiq lvnyap ma yo soeu ka seqgyo cho zainsmuh bos, nghuot laus eq nhaiqyo gyangh soeu ka nyang koh cho chixoeuq.

³⁰Ehnyet nyens zis gas gungs lyis yanghzan nhang. Noh zis gas shohyau lyis cuih nhang.

³¹Shohjyen bang lyis nhiq zaiq zis gas nyamoq lyis kuot toh, Mangso lhyi loeusmus soqzo nyeis. Nghuot laus eq nyungs bang lyis nhaiqnyen soeu ka Mangso lhyi nyoqnho ngelang dyei.

³²Lhung soeu ka nyah lhung cho mha shang tyamp zis xauh das. Dan soeu ka shei loh lyis yangh khaunges gus bos.

³³Seqgyo cho bos soeu dah ehnyet mas joeui lungh joq. Koh bang dah ehnyet gas joeui ma bos.

³⁴Dan cho ka dius nyau lyis kuhxing nhang; nghuot laus eq yaunos gas dius nyau lyis xoqphuh nhang zis nghuot.

³⁵Joeui bos dah jyeidwis lyis hwankti nhaiqdoeus. Nghuot laus eq xoqphuh nhang dah jyeidwis lyis nyang joeng.