Read Achang SODANG 9 Bible Online

SODANG 9 - Achang bible

SODANG 9

¹Joeui ka zains nyhet koeuq zan las nyah yhen lhyi kuot toh.

²Nyang gas nyah shoh sat, zvbiq lhoeuq las jus khyoq goeus.

³Nyang nyah jyeidwis vmesbih jens lyis nhang lha nyang wus mas dah nyhang thank joqyos masyah kaiq las,

⁴Nhaiq ma bos bang hank laus eq heimha los aq, ge. Nyang taiq zis gas, Seqgyo cho ma bos soeu los aq.

⁵Ngah wom los zo aq, ngos lhoeuq toh zvbiq los shuk aq.

⁶Koh cho tyamp las kang dwis aq, seqgyo cho chank loh aq, ge.

⁷Jwangh nyhap soeu lhyi jyauh mhoq soeu ka xoqphuh. Lhung soeu lhyi nyho soeu ka xauh nos.

⁸Jwangh nyhap soeu lhyi vtaiq kyingh, nvng housoeh kuot lyis nyang nvng lyis hoeng das. Joeui bos soeu lhyi nyho aq, housoeh lyis nyang nvng lyis jyet das.

⁹Joeui bos soeu lhyi choshet dyei aq, houlhyi nyang joeui zes bos los das. Dan soeu lhyi jyauh aq, nyang xuq cho je los das.

¹⁰Joeui bos das xiklyis YHENSAIN lhyi cangxeih gyukwoms aq. Seqgyo cho bos das xiklyis Gyingshang Mangso lhyi seq chah.

¹¹Ngah gvng mas nah buisnyeis je los las, nah kang dwis zvn lung dyei das.

¹²Nvng joeui bos lyis gas hauh joeui mhayah vkyuh xauh kham das, jwangh nyhap lyis gas nvnyang dvnos das.

¹³Koh cho ka thwe zvn dah vmesbih teh nghuot. Nyang nhaiq ma bos, cha eq ma seq.[2]

¹⁴Nyah yhen khomh nvm, wus mas dah nyhang thank joqyos mas tsung lha,

¹⁵nyamoq nyang cho pheh suh lai loh bang lyis kaiq lui,

¹⁶Joeui ma bos bang hank laus eq heimha los aq, ge. Tsai nyang gas seqgyo cho ma bos soeu lhyi taiq zis gas,

¹⁷Khauh loh jeis gas chau. Guis zo dah zonoms nghamh, ge.

¹⁸Nyah yhen mha wvng soeu ka, hauh zis gas shei bang nyeis joqyos nghuot zis nyang ma seq. Hauh vmesbih dah boenghwus jens gas hauh zis lopdungs dvnghuot zis nyamoq ma seq.