Read Achang JOEUI 1 Bible Online

JOEUI 1 - Achang bible

JOEUI 1

¹Heika Dawi dah lo, Yerusalem mas hwankti kuot soeu, joeui nghamh soeu dah dang tsain nghuot.

²Joeui nghamh soeu taiq, Heika vkom, vkom dvnghuot. Kang dwis zis gas vkom, dvnganh vkom dvnghuot.

³Nvng gas dvcaiq yah muh lyis yomkat las zwi khank laus eq chah vkyuh xauh kham zo lah?

⁴Dius gas dvcaiq thang lhyi dvcaiq lai loh laus eq mungkvn gas vgus dvjoq.

⁵Buis gas thuq las wvng loh thang lhyi nyang doms thuq das joqyos mas nyungdaus zis yah doms loh.

⁶Lyeis gas mautyi pheh muot loh, mautsung pheh muot loh. Lyeis gas lhain lha lha muot zis yah vkhang joqyos mas doms jweh loh.

⁷Jeislvng dvnganh gas thomh mas yaus wvng laus eq, thomh gas ma dyingh shih. Jeis gas jeislvng yaus xi yvmas tauh loh las doms xi.

⁸Vyhang dvnganh gas nyungdaus yvpheh shwih loh, hau nyungdaus zis gas dang yah mathoq taiq shoq kuh. Yah nyoqjeih gas khanhamp eq nyvng las nhaiq ma yoh tap, no eq khanhamp eq ma tham gyo.

⁹Xikpheh bweh ku goeus zis doms bweh das. Kuot ku dah vyhang lhyi doms tsain kuot das. Mungkvn gonh mas vsaiq ge zis cha ma bos.

¹⁰Yoeuh aq! Nyamoq taiq, Haih zis vsaiq dvja nghuot, ge. Nghuot laus eq ma nghuot, houka xikpheh bweh ku goeus zis, yang ma khoeu los shih lhyi bweh goeus zis dvnghuot.

¹¹Lai loh caiq lyis bweh goeus cho hank ma soh kat. Haq caiq yahge jweh los das caiq gyo lyis bweh cho lhyi eq jweh los das caiq mas bang hank ma soh das.

¹²Joeui nghamh soeu ngos gas, Yerusalem mas Israel thoq mas hwankti nghuot khoq.

¹³Ngos gas haih mungkvn mas kuot cho dvnganh lyis xo lhau lha xuq das oen nghamh thyet toh. Mangso ka yah thoq mas lyei yvwons toh dyei goeus.

¹⁴Ngos gas haih mungkvn mas khanh dah muh dvnganh lyis nyvng goeus. Ngos nvng lyis taiq bah, houka jyoengh, dvnganh vkom dvnghuot. Houka lyeis lyis chank khat teh dvnghuot.

¹⁵Nvng gas guih yvlyis ma yoh lhoq dan, ma bos yvlyis eq ma yoh suon kat.

¹⁶Ngos ngvnyang taiq zo zis gas, Ngos gas dius zains bweh los goeus. Yerusalem mas ngah xik pheh guon los bang dvnganh thoq lyis joeui zes bos. Jyoengh joeui yahge seq cho cha tsain nghuot yvlyis ngos seq.

¹⁷Ngos gas seq cho yahge koh cho cha shaih, joeui yahge huonh cho cha shaih zis xuq das oen nghamh thyet. Nghuot laus eq ngos eq lyeis lyis chank khat teh nghuot das yvlyis xo nyvng.

¹⁸Nvng joeui zes nyo zes chiqh cho bos los. Seq cho zes bos los zes nhaiqkuk cho je los.