Read Achang SOLOMON 3 Bible Online

SOLOMON 3 - Achang bible

SOLOMON 3

¹Dvnyens thang lhyi dvnyens ngos ngah yhetyos mas ngos jyet soeu lhyi yhetmoq moq; ngos nyang lyis xo laus eq ma nyvng.

²Ngos wus chank loh las, wus talhoeu, wus thunk chank yah ngos jyet soeu lhyi xo, nghuot laus eq ngos nyang lyis ma nyvng.

³Wus zungh bang ngos lyis nyvng. Ngos gas nyamoq lyis, Ngah hwank phoq lyis vnyvng lah, oen nyei.

⁴Nyamoq masyah lai loh yah dvyih, ngos nyang lyis xo nyvng. Ngos nyang lyis ma kat kat lo. Ngah ungwes yhen, ngos lyis khoeu kat dah yvp mas shwih jweh shoq zwi toh.

⁵Yerusalem vmesbih jens eh, ngos lyis dangthoengh toh geh. Namoq ngamoq dah jyet cho mha ma nhauh das oen yvng dah cvt jens, lvlyo jens lyis lui las maukhi geh.

⁶Soenghi jens ungh dah loban yahge Mura xangh lyis nyi ngheq masyah thuq los dah nyikhauh bungh teh, sihyos masyah los nyeis dah vyhang ka cha nghuot lah?

⁷Hauh zis gas Solomon lyis nyah kyau mhayah dvng los nyeis; Israel mas gis thank jes thoeuqzoe jens khyukci gungs zungh jens bos los.

⁸Nyamoq dvnganh gas sham chi yvmas lyes bang nghuot. Nyamoq gas jeszan cho mha pot goeus bang nghuot. Nyamoq gas hank eq hank sham wons las nyenh lyis zan los bang lyis zungh nyeis.

⁹Hwankti Solomon lyis Lebanon mas gis thank saiq yah kuot dah kyau mhayah dvng los.

¹⁰Hau kyau dah zains jens lyis ngwis yah kyop toh; hauh thoq mas xing khying yah khoh kat dah misseh yah thop toh. Tsunggus lyis Yerusalem vmesbih jens jyetdap ehnyet yah yoq dah nesnoq seh yah nghop toh.

¹¹Zion vmesbih jens eh, hwankti Solomon lyis los yoeuh geh. Nyang gas nyah nyi hwank nyeih, nyang gausyis las gauslaus nyeih lyis nyah ungwes nyah uhloms mas tsungh dyei dah buismuk tsungh toh.