Read Achang ESAIA 12 Bible Online

ESAIA 12 - Achang bible

ESAIA 12

¹Dius jens lvkhyank kat das buisnyeis jweh los das. YHENSAIN eh, Nvng ngos lyis nhaiqyo laus eq, Nhaiqyo bi las nhaiqtaink dyei yvmvyah ngos nvng lyis chungh das.

²Mangso ka ngah khyuot yoeus soeu nghuot; ngos nyang lyis loms las ma gyuk noh. YHENSAIN ka ngah khyuot yoeus soeu nghuot las nyang ngos lyis yom yahge chunghthwe dyei.

³Cingh dah jeisdwang gas jeis shet bang lyis gausyis nhang teh Mangso nyah dius jens lyis khyuot yoeus lyis nyamoq gausyis das.

⁴Dius jens YHENSAIN lhyi chungh dah buisnyeis jweh los das. YHENSAIN lhyi nhaiqshoqlang sang lha nvng lyis pangh das nyhenshang nyang lyis lui geh. Nyang kuot cho dius nyau jens dvnganh lyis taiq kyoh geh, nyang kha iq kuhxing cho nyamoq lyis taiq kyoh geh.

⁵YHENSAIN ka kuhxing cho kuot goeus yvmvyah nyang lyis chunghthwe kat geh. Mungkvn gonh nyah loeus xauhgyo bas jungh.

⁶Zion mha nyeis ya nyeis bang eh, Israel dah Gyingshang Mangso ka kuhxing zis yah nyah dius jens mas nyeis oen kaiq las chungh geh.