Read Achang ESAIA 18 Bible Online

ESAIA 18 - Achang bible

ESAIA 18

¹Sudan jeislvng jens dah thyitvp pheh bausjens nyings sam gyo dah mau dvkoeuq joq.

²Hauh mau masyah lvgyo jens gas jvmbu yah kuot dah lhyik yah Nile lvng cho gyoh los. Nyap dah loeuswons bang eh, yhen pheh tauh loh geh, jeislvng jens yah kangh toh dah namoq mau mas loeus wons tauh loh geh; yombos las yomsoq bos dah vnyau, nyhang lha shohwot lhoq bang, mungkvn gonh yah gyuk nyeis bang jyank mas tauh loh geh.

³Nyeisjvng thoq mas nyeis bang yuk khanghmuh gyo geh! Boms thyoh mas lhangh toh das vlho, khyiq lyis xo yoeuh geh, lvbuh muot yvlyis gyo geh.

⁴YHENSAIN ngos lyis taiq. Gywes dah nyeih lyis buis gas tsoek tsoek tso teh, jyo yhomh nyos, nywe dah nyenh lyis samlo jyweh gyoh teh, ngos maukhung mhayah yoeuh khyoq kat das.

⁵Zvbiq shih ma yhomh shih lyis vbuh dvnganh gywis las vshih nyhink los uhlyis jeswus gas Sudan jens lyis sham yah zvbiq ko zan teh lwis lwis mhont tyamp das.

⁶Nyamoq jeslo jens dah mvng gas nghoq jens yahge yewus nyhenshang nghe mha tyamp toh das. Zvn wvng zoh lyis nghoq jens hauh zis zo das, Cungh lyis gas yewus zo das.

⁷Hauh jeislvng jens yah kangh toh dah mau, yombos las yomsoq bos dah vnyau, nyhang lha shohwot lhoq bang, mungkvn gonh yah gyuk nyeis bang jyank masyah Maukhung Jesphung YHENSAIN jyungshuk lhom yoeus das shishenh jweh los. Nyamoq gas Maukhung Jesphung YHENSAIN lhyi paiq das Zion boms mas jweh los das.