Read Achang ESAIA 31 Bible Online

ESAIA 31 - Achang bible

ESAIA 31

¹Egutu mas pangh cho xo e bang gas dyoqbis goeus. Nyamoq gas YHENSAIN Israel dah gyingshang Mangso lhyi ma nges, pangh cho ma sang; Egutu mas nyo dah jes nyang, jes lhyingh yahge jeslo jens lyis tsain nges.

²Mangso ka nyang cha kuot nyeis zis seq. Nyang gas dyoqbis zainsmuh lyis nhang kat. Ma gis bang lyis joeng das zis yahge nyamoq gungs lyis gos zo bang lyis kyuk tant das xiklyis kuot kat.

³Egutu bang gas mangso ma tsain nghuot, dius dvnghuot. Nyamoq dah nyang jens eq dyos ma nghuot soenghchoenk dvnghuot. YHENSAIN kuot kat lyis yombos dius nyau jens gas dyuk loh das. Nyamoq pangh dah yomnhuk dius nyau eq gyoh tyamp das las, aiq nyau yah dyoqbis tyamp das.

⁴YHENSAIN ngos lyis taiq: Yvng yoeuh bang kha iq kaiq kyuk laus eq khangkhyi ka nyang ngat sat dah shoh mvng lyis ma kat khyoq. Houyah dvyhangteh ngos lyis cha yah eq ma yoh tomp toh. Maukhung Jesphung YHENSAIN ka Zion Boms lyis gos dyei nyeis.

⁵Nghoq gas sot mas nghoq lo jens lyis dang lhaink las gos teh, Ngos Maukhung Jesphung YHENSAIN ka Yerusalem lyis gos las khomp kat das.

⁶Mangso taiq zis gas, Israel dius jens eh, namoq ngos lyis gomloeus toq zis yah yaunos kuot. Nghuot laus eq gvshih ngah jyank mas tauh los geh.

⁷Namoq yuk khanghmuh gas namoq kuot las yaunos bweh nhang dah ngwis, xing phvra lyis tsain doeuh tyamp das shishenh jweh los nyeis.

⁸Asiria jens gas jeszan yvmas dyoqbis loh, nghuot laus eq dius dah yomsoq yah ma nghuot. Asiria jens gas jeszan masyah phang loh das, nyamoq dah loyvm jens lyis jons kuot das.

⁹Nyamoq dah hwankti ka gyuk dvn zis yah phang loh das las, nyamoq dah zau jens eq svsoh gyuk, nyamoq dah jeszan khyiq lyis tyamp khoq das. YHENSAIN taiq goeus: Yerusalem mas paiq YHENSAIN dah phudyei nyi gas houmha ngeh nyeis.