Read Achang ESAIA 34 Bible Online

ESAIA 34 - Achang bible

ESAIA 34

¹Dius nyau jens dvnganh los huom lha gyo geh. Nyeisjvng gonh yahge houmha nyeis bang yuk khanghmuh heimha los las gyo bas jungh.

²YHENSAIN ka dius nyau dvnganh yahge nyamoq dah jesphung lyis nhaiqyo. Nyang nyamoq lyis dyoqbis nhang zis yah joeng.

³Nyamoq dah mvng lyis ma xauh nyhop, houmha bop joq las tsain nvm das. Boms jens gas suih yah nes joq das.

⁴Buislom, lhamhmuh yahge kyi jens gas phih soeh mhont tyamp das. Maukhung ka sauhdain lom tyamp teh dyuk loh das. Kyi jens eq zvbiq nwis nghuot ya, maiphang zain masyah vhuq gywis teh gyoh tyamp das.

⁵Mangso ka maukhung mha nyah sham sont toh las gvshih dyoqbis nhang zis yah joeng das, Edom bang lyis zan das.

⁶YHENSAIN dah sham ka nyamoq dah suih yahge coeu yah dyingh das: houka yvnglo jens yahge shvbeqlo jens phudyei lyis dah suih yahge coeu teh tsain nghuot das. YHENSAIN ka hau lomhxangh lyis Bozra wus mas lainh das; Hai sat cho zainsmuh Edom mau mas kuot das.

⁷Dius jens gas noeuphuk jens, noeuchoq lu lo jens lains teh lains das las nyeisjvng gas suih yah nes las coeu yah dyingh das.

⁸Heika YHENSAIN Zion lhyi khyuot las nyah jeswus jens lyis ung shishenh lyis nghuot das.

⁹Edom jeislvng jens gas xoeuhgyei duot loh das, hauh tsohmop gas hwank duot las mau gonh xoeuhgyei ngeh teh ngeh das.

¹⁰Houka nyeih nyenh ngeh las hou mhayah nyikhauh gas vcaiq vto thuq nyeis das. Hauh mau gas dvcaiq thang lhyi dvcaiq jyamhjyuklhyuk joq das las houcho hank ma suh lai das.

¹¹Khunghbop yahge kvnhoq jens hauh mau mas dyingh das. Gvnkhanh zis ma bos shih dah yoq lyis teh Yhensain ka hauh mau lyis jyamhjyuklhyuk doms kuot das.

¹²Hauh mau lyis guon das hwankti hank ma nyeis, uhshe bang dvnganh eq ma nyeis lo.

¹³Hwankti yhen jens yahge ciank ci wus jens mas zoeu zains, zoeu gyomh bos joq. Hauh yvmas khunghbop jens yahge ye khuih jens nyeis das.

¹⁴Yewus jens houmha nyeis yenh das, yius jens dvkoeuq yah dvkoeuq lui goh das. Nyenh dam eq nyang no das joqyos los xo das.

¹⁵Khunghbop jens houmha sot sot zis yah uq uq das las houmha nghoqlo jens muk las nyhoeu kuh kat das. Lvngda jens eq dvdoeu thang lhyi dvdoeu houmha zain los das.

¹⁶YHENSAIN dah Sauhbuk mas cha ge zis xo nghap yoeuh geh. Hauh yvmas dwis zis dvkoeuq eq ma dyuk das. Nyah dyenschangh ma bos ma mus das. Housoeh bweh aq ge YHENSAIN vmingh dyei toh, nyang hauh yvlyis dvgeh shwih tsomp dyei das.

¹⁷Nyamoq dvkoeuq dvkoeuq lyis maunyeis gvmboms gvm dyei soeu ka YHENSAIN nghuot. Nyamoq gas hauh mau mas dvcaiq thang lhyi dvcaiq nyeis las houka nyamoq yah vcaiq caiq sen.