Read Achang ESAIA 38 Bible Online

ESAIA 38 - Achang bible

ESAIA 38

¹Hauh gyo lyis Hwankti Hezekia gas shei bah ge shoq nos. Amoz lo lvpe Esaia nyah jyank mas los las taiq zis gas, YHENSAIN heisoeh ge: Nvng kang ma xauh dwis lo shei lo das yvmvyah nah yhen cho dvnganh gvn toh aq, ge.

²Hezekia gas tyoyvm pheh nyoqnho xoeu lha shvmanh dung zis gas,

³YHENSAIN eh, ngos nvng lyis lomluk luk jus khyvlyis wontang kuot dyei goeus, nvng ngos lyis kuot nhang mes zis vjangh yah tungh kuot dyei goeus yvlyis soh dyei aq, ge nyang oek oek ngaus.

⁴Hauh thang lhyi YHENSAIN Esaia lyis vmingh dyei zis gas,

⁵Hezekia jyank mas tauh loh las nyang lyis taiq aq. Ngos nah phauh thyeih Dawi dah YHENSAIN Mangso ka nah vkyuh dung dang xauhgyo, nah nyoqdyeis lyis eq nyvng goeus. Ngos nah kang lhyi dvci oeng zvn lung dyei das.

⁶Ngos nvng lyis eq haih Yerusalem wus lyis eq Asiria hwankti loq masyah khyuot yoeus das. Ngos haih wus lyis tsoq las gos dyei das.

²¹[7] Esaia gas hwankti lhyi, Nah dyings mas maiphang gyei tap aq, houlhyi gis los das, ge taiq.

²²Hauh thang lhyi hwankti Hezekia nyei zis gas, Ngos Yhenmuh mas xauh loh das dah vlho ka cha yah yoh seq das lah, ge. Esaia phuk taiq, YHENSAIN nyah dangthoengh lyis doengs nhang das xiklyis nvng lyis vlho dyei das. YHENSAIN ka Hwankti Ahaz tsuk toh dah buiskeq zvmlhangh mas siyet ci keq nungsjik nhang das, ge. Housoeh siyet ci keq doq loh goeus zis ci keq nungs doms jik gyoh los. Haih zis gas Hezekia nos gis los thang lhyi nyang chungh dah chunghthwe lhaih toh. Ngos gas kang vlvt shenhkyoh lyis shei mau pheh loh nyeis. Ngos kang ma dwis lo das oen nghamh. Ngos kang dwis bang nyeis dah haih mungkvn mas YHENSAIN lhyi, nghuot ya kang dwis bang lyis khanhamp eq ma doms nyvng lo das, oen nghamh. Ngah kang lhyi zvng lyis thyoq khyoq teh, yoqgan zwvng masyah misseh thyet yoeus teh thyet tyamp las thank loh goeus. Mangso ka ngah kang lhyi thank loh nhang goeus oen nghamh. Khangkhyi ka ngah shohyau lyis khyauh nyeis teh ngos dvnyens gon(...)