Read Achang ESAIA 4 Bible Online

ESAIA 4 - Achang bible

ESAIA 4

¹Hauh shishenh jweh lyis vmesbih nyhet yuk gas vbusbih dvyuk lyis zwi toh las taiq das zis gas, Ngamoq gas ngamoq nyang wom zo, ngamoq nyang dyimis wuot das. Nvng gas ngamoq dah yhensain phoq nghuot oen jenh taiq nhang aq. Housoeh lyis ngamoq phoengh ma wvng dah xoq cho ma kham lo noh das, ge das.

²Shishenh jweh los lyis YHENSAIN dah vko ka yungh las phunk bos das. Hauh maunyeis mas dah vshih gas phang luiq los Israel jens xiklyis khwank cho nghuot das.

³Doeng nyeis das xiklyis Mangso khyen yoeus bang ge Yerusalem mas nyet joq khoq bang yuk khanghmuh lyis gyingshang bang, ge lui das.

⁴YHENSAIN ka dius nyau lyis nyah yomsoq yah soetuon lha cheihshang das. Yerusalem dah yobos lyis eq, houmha huot dah suih lyis eq cheih tyamp das.

⁵YHENSAIN ka Zion boms yahge houmha zain los bang thoq mas nyeih lyis jyommauh, nyenh lyis nyikhauh yahge nyiduk bvng nhang das. Dvwus gonh lyis Mangso dah phunk yah nghop gos toh dyei das.

⁶Hauh wus lyis nyah phunk yah nyeih lyis buisshen, lyeisjyang yahge maukhau das khaugus duot dyei das.