Read Achang YEREMIA 30 Bible Online

YEREMIA 30 - Achang bible

YEREMIA 30

¹YHENSAIN, Israel Mangso ngos lyis taiq:

²Ngos nvng lyis taiq dang dvnganh maussauh mas lhaih toh aq.

³Khasoeh ge lyis ngos ngah dius jens Israel yahge Yuda dius jens lyis doms toeu das shishenh jweh los nyeis. Ngos nyamoq lyis nyamoq dah phauh thyeih moq lyis dyei toh dah mau mas shwih tauh los das las nyamoq gas nyamoq dah vso doms sain das. Ngos, YHENSAIN taiq goeus.

⁴Israel yahge Yuda jens lyis YHENSAIN taiq.

⁵Ngos gyukphoh ngaus thwe xauhgyo, nyenstap cho ma nghuot, gyuk dah ngaus thwe nghuot.

⁶Gvshih no las nghamh aq. Vbusbih gas loshang yoh khoeu los lah? Housoeh lyis chamus lokhoeu nos nos dah vmesbih teh yuk khanghmuh nyah womdau mas loq kih zis ngos nyvng? Chamus yuk khanghmuh nyoqnho hou iq shen?

⁷Gohtoeu cha nyeih yah eq ma yoh byi dah gyukphoh buisnyeis jweh los. Ngah dius jens xiklyis shanghsenh shishenh jweh los, nghuot laus eq nyamoq doeng los das.

⁸Maukhung Jesphung YHENSAIN taiq. Hauh nyeih jweh lyis, ngos nyamoq lainzain mas dah tanzoe lyis khyauh dyei das. Kyomh lyis eq yoeus tyamp dyei das las, nyamoq gas lvbaus dah jons ma nghuot lo.

⁹Hauh gungsthaiq nyamoq gas ngos YHENSAIN, nyamoq dah Mangso lhyi eq Dawi, dah vnyau vshih, ngos hwankti khyvlyis toq toh soeu lyis phuqsoe das.

¹⁰Ngah dius jens eh, vchiq goh, Israel jens eh, vgyuk goh. Namoq jonsdoeus loh mau, hau we mau masyah ngos namoq lyis khyuot das. Namoq yhen mha tauh los las nyenstap zis yah nyeis das. Jesluiq las hank eq namoq lyis ma kyuk ma tant das.

¹¹Ngos nah jyank mas los las namoq lyis khyuot yoeus das. Ngos namoq lyis sanh tyamp mau mas dah dius nyau dvnganh lyis mhont das. Nghuot laus eq ngos namoq lyis ma mhont das. Ngos namoq lyis ma joeng ma toh laus eq lyi bos khyvlyis dvkuot das. Ngos, YHENSAIN taiq goeus.

¹²YHENSAIN nyah dius jens lyis taiq: Nah dvm ma yoh yhoh. Nvng dvmdap zis ma yoh gis los.

¹³Nvng lyis loqzamh zwi das zis hank ma bos, nvng dvm xiklyis mvcheih ma bos. Nah xiklyis gis los das zis nghamhloms chank ma bos.

¹⁴Nah hwank changh jens dvnganh nvng lyis tohnyhik goeus, nyamoq nah cho ma nyei lo. Nah yaunos nyo, nvng lhung cho kuh yvmvyah, ngos nvng lyis jeswus teh zan, nvng lyis joeng cho than.

¹⁵Nvng dvm nos cho nos vkyingh lo. Nah xiklyis gis los das cho ma bos lo. Ngos namoq lyis heisoeh joeng: khasoeh ge lyis nah yaunos nyoshoq nghuot, nvng lhung cho eq kuh.

¹⁶Nghuot laus eq gvshih nvng lyis ngatzo bang dvnganh, ngatzo zis xauh das. Nah jeswus jens dvnganh gas jonsdoeus loh das. Nvng lyis zaiq bang dvnganh zaiq zis xauh das. nvng lyis thyoqzo bang dvnganh thyoqzo zis xauh das.

¹⁷Ngos namoq lyis doms gis los nhang das. Nah jeswus jens yah, Zion ka tyamp toh zis xauh las hank ma komh lo ge, sang laus eq, ngos namoq dah dvm lyis yhoh dyei das. Ngos, YHENSAIN taiq goeus.

¹⁸YHENSAIN taiq, Ngos jonsdoeus loh dah ngah dius jens lyis nyamoq mau mas doms toh las nyamoq yhenbang khanghmuh lyis nhaiqnyen das. Yerusalem wus lyis doms kuot las hau hwankti yhen lhyi doms toeu das.

¹⁹Houmha nyeis bang chunghthwe kat das, nyamoq gauslaus zis yah kaiq das. Ngos shvmanh dyei zis yah nyamoq jebais los das. Ngos shvmanh cho ka nyamoq xiklyis nyoqnho ngelang she los das.

²⁰Ngos hau dius nyau dah gohlhain yomsoq lyis doms toeu lha houmha khyei doms khyoq nyeis nhang das. Ngos nyamoq lyis zaiq bang dvnganh lyis joeng das.

²¹Nyamoq dah guon soeu ka nyamoq nyang vnyau masyah thuq los das. Nyamoq zaulo gas nyamoq nyang dius jens masyah thuq los das. Ngos nyang lyis yus lyis nyang ngah jyank mas ywi los das. khasoeh ge lyis ma yus lyis hank womh los das. Nyamoq gas ngah dius bweh das las, ngos gas nyamoq dah Mangso duot das. Ngos, YHENSAIN taiq goeus, ge.

²³YHENSAIN dah nhaiqyo zis gas lyeisjyang teh, than dah lyeis gas lhung bang dah uhloms thoq mas gyoh das. Houka nyang kuot das ge zis ma dye dvchank ma toh. Jweh los das buisnyeis lyis nyah dius jens hauh zis bvng bvng seqgyo das.