Read Achang YEREMIA 47 Bible Online

YEREMIA 47 - Achang bible

YEREMIA 47

¹Egutu hwankti Gaza wus lyis ma zan shih lyis, Philisti jens cho YHENSAIN ngos lyis taiq.

²Nyang taiq, Yoeuh aq, mautsung pheh jeis je los las jeislvng soeh nhauq los das. Houka hauh mau yahge houmha dah Phisti jens, wus jens eq, houmha nyeis bang lyis eq nghop tyamp das. Dius jens gas pangh das cho kaiq sang das; Nyeisjvng thoq mas dius dvnganh kuk ngaus das.

³Nyamoq gas nyang jens dah khyeikhu thwe xauhgyo das, jeslhyingh nyings thwe xauhgyo. Nyhiphoq jens gas nyamoq dah loq gyoh lhangh las nyamoq lo jens lyis ma lhain yoeuh khoq lo.

⁴Philisti jens lyis mhont das shishenh jweh los. Taire yahge Sidon lyis pangh das zis, nyet shih bang dvnganh lyis thyet kangh das buisnyeis jweh los. Ngos, YHENSAIN ka Philisti jens lyis mhont das, Kreti jyankyvm masyah los bang lyis mhont das.

⁵Gaza dius jens mas kukxi zainsmuh jweh das. Ashkelon dius jens gas tsingtsam nghuot das. nyet shih Anakim jens gas khanyhank jweh shoq kuk das lah?

⁶YHENSAIN dah moengsa eh, nvng khanyhank jweh shoq jap das lah? Nvng nah dyvng mas samlo doms wvng lungh joq aq, ge nvng kaiq.

⁷Nghuot laus eq ngos hauh yvlyis muh zwi nhang toh lyis hauh zis khasoeh yoh no das lah? Ngos hauh yvlyis Ashkelon yahge thomh yvm mas nyeis bang lyis zan das zis tying toh.