Read Achang KUK 5 Bible Online

KUK 5 - Achang bible

KUK 5

¹YHENSAIN eh, ngamoq cha mus yvlyis soh dyei aq. Ngamoq lyis yoeuh las ngamoq nyoqnho ngelang gyoh cho lhyi nyvng dyei aq.

²Ngamoq dah yhenzis gas gohnyau bang loq mas nghuot; lvbaus gas ngamoq dah yhen mha tsain nyeis.

³Ngamoq dah uwus moq lyis jeswus yah sat goeus las gvshih ngamoq ungwes moq gas chauhmuh tsain nghuot.

⁴Ngamoq jeis wis shuk chah, thangh eq wis khvt chah.

⁵Ngamoq lyis mauhlyihzoe, nghuot ya gola-u lyis teh khat tauq las ngamoq nyung laus eq ma xauh no.

⁶Kang dwis das zis zonoms luk luk yoh das nyhenshang, ngamoq Egutu bang yahge Asiria jens jyank mas loh sang.

⁷Ngamoq dah phauh thyeih moq gas yaunos kuot goeus, nghuot laus eq gvshih nyamoq ma nyeis lo. Ngamoq gas nyamoq dah yaunos xiklyis kham zo nyeis.

⁸Ngamoq dah guon bang gas ung bang dah jons duot las ngamoq lyis nyamoq yomsoq masyah hank ma yoh khyuot yoeus.

⁹Dius sat bang gas sihyos dvmau yah chwang yenh. Ngamoq zonoms xo lhyi shei lhyi yangh lyis khank chah.

¹⁰Yuot shet zis gas ngamoq dah shohyeis lyis nyikhyomp teh gywes shoq ngeh nhang.

¹¹Yerusalem mas ngamoq dah yhensain nyhiq jens yah tsain yhet goh. Yuda wukhau khanghmuh mas ngamoq dah lonyi jens lyis yauxi cho tsoengh kuot.

¹²Ngamoq dah uhshe bang lyis shwih loh las lhangh tyamp. Ngamoq dah logis jens lyis phauh nyang cho ma chixoeuq.

¹³Ngamoq dah loyvm jens lyis jons lyis teh wom tsoengh mhoq nhang. Yukgis lo jens gas lyei dah thangh wons yah nhiq las vtyi vkamh loh.

¹⁴Logis jens wus khomh mas joeui dyei bang ma bos lo, loyvm jens gas toenk khvlhank yah lvkhyank ma kat lo.

¹⁵Ngamoq dah kang dwis yvmas pyo cho dom goeus. Ngamoq goh das yvmas kuk cho joqyos yoeus tyamp goeus.

¹⁶Ngamoq khwank khoq zis cha ma nyet lo. Ngamoq yaunos kuot goeus las gvshih ngamoq thank goeus.

¹⁷Ngamoq dah ehnyet mas nosthyoh nyeis. Ngamoq dah nyoqdyeis gvng mas nyoq ma yoh nyvng mus.

¹⁸Zion boms gas jyamhjyuklhyuk joq goeus, hau dyoq gyoh joq yvmas ye khuih jens suh nyeis.

¹⁹Nghuot laus eq YHENSAIN eh, nvng gas vcaiq vto hwankti nghuot las shishenh thank shoq guon das.

²⁰Nvng ngamoq lyis chamus heinyhank doeuh tyamp toh? Nvng ngamoq lyis khanhamp eq ma doms soh lo das lhyeh?

²¹YHENSAIN eh, ngamoq lyis nah jyank mas shwih tauh los aq, jenh shwih tauh los aq. Ngamoq lyis gohlhain dah phunk doms toeu dyei aq.

²²Nvng ngamoq lyis vjangh peq tyamp goeus lhyeh? Nvng ngamoq lyis nhaiqyo cho ma thank lo das lhyeh?