Read Achang EZEKIEL 15 Bible Online

EZEKIEL 15 - Achang bible

EZEKIEL 15

¹YHENSAIN ngos lyis jis.

²Nyang taiq, Lvcang eh, zvbiq nwis yah saiqzains khasoeh byi? Zvbiq nwis gas saiqkhyam mha saiq thoq lyis zes gis lhyeh?

³Hauh yvlyis dvja ja kuot das zis yoh yhung lhyeh? Nvng hauh zis yah vyhang lhangh das khyoq khvlangh yoh kuot lhyeh?

⁴Zvbiq nwis gas ngheq das thangh dvnghuot; nyi gas hauh vpom, vthyoh, vgungs lyis ngeh tyamp. Houka dvja ja mas yhung jus lhyeh?

⁵Houka nyi ma ngheq shih lyis cha yhung pvjus: gvshih ngeh thang lhyi zes las yhung pvjus.

⁶Gvshih heika Yomzains YHENSAIN taiq nyeis. Zvbiq nwis gas mhanhdyvp masyah yoeus las ngheq teh ngos Yerusalem mas nyeis bang lyis yoeus das.

⁷Ngos nyamoq lyis joeng das. Nyamoq gas nyi dvkhyomp masyah phang luiq goeus. Nghuot laus eq gvshih nyi yah nyamoq lyis ngeh tyamp. Ngos nyamoq lyis joeng lyis ngos YHENSAIN nghuot yvlyis namoq seq das.

⁸Nyamoq ngos lyis lom ma luk kuot goeus las ngos hauh mau lyis jyamhjyuklhyuk kuot das, ge Yomzains YHENSAIN taiq goeus.