Read Achang EZEKIEL 25 Bible Online

EZEKIEL 25 - Achang bible

EZEKIEL 25

¹YHENSAIN ngos lyis jis.

²Nyang taiq, Lvcang eh, Amon mau lyis taiq hoeuh aq.

³Nyamoq lyis ngos Yomzains YHENSAIN cha taiq yvlyis gyo geh oen taiq kyoh aq. Namoq gas ngah Yhenmuh lhoq lhoeuh yvlyis yoeuh pyo, jyamhjyuklhyuk mus tyamp dah Israel mau lyis eq yoeuh pyo, Yuda dius jens jonsdoeus loh yvlyis eq yoeuh pyo.

⁴Namoq gaus yvmvyah ngos namoq lyis buisthuq sihyos mas dah vkoq lyis yah los ung nhang das. Nyamoq gas nah mau mas thoenggus los toh las houmha nyeis das. Nyamoq gas namoq zis dvnghuot oeng dah shih zo las nauh lyis shuk das.

⁵Ngos Raba wus lyis gola-u nyhoeu joqyos kuot tyamp das. Amon mau gonh lyis yvng nyhoeu joqyos bweh los das. Housoeh lyis ngos YHENSAIN nghuot yvlyis namoq seq das.

⁶Heika Yomzains YHENSAIN taiq nyeis zis nghuot. Nvng loqtyuk khyeisap las gauslaus nyeis. Nvng Israel mau lyis dius ngis khyoq.

⁷Nvng kuot goeus yvmvyah, ngos nvng lyis gohtoeu dius nyau lyis dyei tyamp das las nyamoq gas nvng lyis thyoq zis yah lvnyhvp shwih loh das. Ngos nvng lyis shank shoq tomh tyamp das las, nvng dius dvnyau ma nghuot lo, namoq nyang mau ma yoh lo. Housoeh lyis ngos YHENSAIN nghuot yvlyis nvng seq das.

⁸Yomzains YHENSAIN taiq: Yuda jens gas gohtoeu dius nyau jens teh nghuot goeus ge Moab taiq goeus yvmvyah,

⁹Moab maukyo lhyi khomp dah wus jens lyis ngos zan nhang das. Houmha yungh thank dah Bet Yeshimot, Bal Meon, Kiriathaim wus jens yangh tsain bos.

¹⁰Sihyos buisthuq pheh dah vkoq jens lyis yah Amon yah dvgeh Moab lyis ung nhang das. Housoeh Moab gas dius dvnyau ma nghuot lo das.[20]

¹¹Ngos Moab jens lyis joeng las nyamoq ngos YHENSAIN nghuot yvlyis seq das.

¹²Yomzains YHENSAIN taiq, Edom dius jens gas Yuda jens lyis lhoeng dah lvto phuk. Hau lvto phuk cho ka Edom thoq mas vcaiq vto yobos she los.

¹³Gvshih ngos taiq hoeuh zis gas, Ngos Edom lyis joeng das. Houmha dah dius yahge gaunyhauq khanghmuh lyis sat das. Ngos hauh yvlyis Teman wus masyah Dedan wus jweh shoq jyamhjyuklhyuk kuot das. Dius jens gas jes mas sat zis tsain xauh das.

¹⁴Ngah dius Israel jens gas, ngah xiklyis Edom lyis lvto phuk das. Nyamoq gas ngos nhaiqlom tsoeu zis yah kuot zis seq shoq Edom lyis kuot das. Housoeh nyamoq gas ngos lvto phuk zis nghuot yvlyis seq das. Yomzains YHENSAIN taiq goeus.

¹⁵Yomzains YHENSAIN taiq. Philisti jens gas hoeng dah ehnyet yah lvto phuk. Nyamoq svsoh hoeng yvmvyah Yuda lyis mhont tyamp das zis cvvq.

¹⁶Housoeh las ngos Philisti jens lyis zan zis yah thyuk tyamp das oen taiq hoeuh nyeis. Ngos Philisti janggyon mas nyet nyeis shih bang yuk khanghmuh lyis mhont tyamp das.

¹⁷Ngos nyamoq lyis than than joeng zis yah lvto phuk das. Nyamoq ngos nhaiqyo zis Dyingh shoq xauh kham das. Housoeh lyis nyamoq gas ngos YHENSAIN nghuot yvlyis seq das, ge.