Read Achang EZEKIEL 38 Bible Online

EZEKIEL 38 - Achang bible

EZEKIEL 38

¹YHENSAIN ngos lyis jis.

²Nyang taiq, Lvcang eh, Magog mau mas Meshek yahge Tuba dius nyau lyis guon dah zau, Gog lyis taiq hoeuh aq. Nyang lyis hoeuh las,

³Ngos Yomzains YHENSAIN ka nyah jeswus nghuot cho taiq kyoh aq.

⁴Ngos nyang lyis tauh nhang lha, nyah am lhyi nghweh las nyang yahge nyah jesphung dvnganh lyis lang she loh das. Nyah jesphung zainsmuh yah dvgeh nyang jens, nyang ji thau yah wuot dah nyang ji bang, houka svsoh nyo, jeslo khanghmuh gas gos chi, sham wons.

⁵Persia, Ethiopia, Libya mas dah jesphung jens eq nyamoq mas bos; nyamoq dvnganhmoq gos chi, uhkyop kyop.

⁶Goma mau mas dah jeszan bang dvnganh, mautsung pheh dah Bet Togama jens eq nyang yah nghuot, gohtoeu dius nyau nyoshoq mas dah yukgis jens bos.

⁷Cicont sont toh aq, nyah jesphung jens eq nyah vmingh mas cicont kuot das zis nyang lyis taiq aq.

⁸Nyoshoq zvn thang lhyi ngos nyang lyis, dius nyau jens nyoshoq masyah dvgeh shwih tauh los las jeszan yvlyis gyuk chank ma bos nyeis dah mau dvmau mas nyhenh wvng aq oen, vmingh dyei das. Nyang gas Israel boms jens mas nyhenh wvng das. Hauh joqyos jens gas sihyos jyamhjyuklhyuk joq zis svsoh nyangh goeus, nghuot laus eq gvshih gas houmha dius jens jesluiq shohluiq nyeis.

⁹Nyang yahge nyah jesphung, nyang yah dvgeh dius nyau jens nyoshoq gas hauh mau lyis lyeis jyang teh zan zis yah jyommauh soeh nghop das.

¹⁰Heika Yomzains YHENSAIN Gog lyis taiq zis nghuot. Hauh shishenh jweh lyis, Nvng gas ma gis dah nghamh toeuq cho nghamh xi das.

¹¹Nvng gas ciank ma bos, khomp cho ma bos dah wus jens, dius jens nyenstap zis yah jesluiq shohluiq mvshoh jyen nyeis dah mau mas nyhenh wvng das ge nghamh thyet das.

¹²Nvng xikpheh dyoq gyoh joq dah wus jens mas nyeis bang mas Lvnyhvp yoeus das, zisyos lhuot yoeus das. Nyamoq gas dius nyau jens masyah tsainh toh zis xauh las, gvshih nyamoq gaunyhauq yoh, zisyos yoh zis yah mungkvn dah chotsom mha nyeis.

¹³Sheba dius jens, Dedan dius jens yahge Spain wus jens mas dah soenghi jens nvng lyis nyei das zis gas, lvnyhvp yoeus das zis yahge zisyos lhuot das zis nah jesphung huom lha vzan ku lah? Nvng ngwis xing, gaunyhauq vyhang yoeus las, hau lvnyhvp dvnganh yah jens thuq loh das zis vnghamh toh lah?

¹⁴Housoeh las Yomzains YHENSAIN ka nyang Gog lyis cha taiq zis ngos lyis yah Gog lyis loh taiq kyoh nhang. Gvshih ngah dius Israel jens jesluiq zis yah nyeis uhlyis,

¹⁵nvng mautsung pheh we dah nah joqyos masyah thuq los. Dius nyau nyoshoq masyah jeslo jens bos dah jesphung zainsmuh uhshe lha los. Nyamoq dvnganh gas nyang ji las tsain los.

¹⁶Nvng ngah dius Israel lyis hauh mau mas lyeisjyang lai loh teh zan das. Hauh shishenh jweh lyis ngos nvng lyis hauh mau mas nyhenh wvng loh nhang das. Houka dius nyau jens lyis ngos hank nghuot yvlyis chixoeuq. Ngos nvng masyah kuot zis ngos gyingshang cho chixoeuq.

¹⁷Nvng gas gohlhain yah ngos taiq soeu nghuot. Ngah jyeidwis Israel lvpe jens masyah taiq hoeuh uhlyis, Jweh los das buisnyeis lyis Israel lyis zan das zis ngos namoq dvyuk yuk lyis shwih das oen Yomzains YHENSAIN taiq goeus.

¹⁸Yomzains YHENSAIN taiq, Gog Israel mas nyhenh wvng los nyeih lyis ngos nhaiqlom dyis das.

¹⁹Hauh buisnyeis lyis Israel mau mas maunyeis gvgis dwis das oen, ngos ngah nhaiqyo nyi ngeh zis yah hoeuh.

²⁰Oengdoq, nghoq, gaunyhauq ngislo kuhlo dvnganh, nyeisjvng thoq mas cangsoeu dvnganh ngos lyis gyuk las nvn das. Boms jingh gyoh das, luktyoq gwi das, ciank dvnganh lains gyop das.

²¹Ngos Gog lyis dyoqbis zainsmuh vja ja yah kyuk das. Ngos Yomzains YHENSAIN taiq goeus. Nyah dius jens dah moengsa ka nyang changh zan goh das.

²²Ngos nyang lyis noslom yah, suih huot cho yah joeng das. Mau thunghkyei yahge gyutomp, nyi yahge hwank gas nyah thoq mas eq, nyah jesphung yahge nyah shot pheh dah dius nyau jens nyoshoq thoq mas huot khyoq das.[31]

²³Heisoeh khyvlyis ngos gas kuhxing lha gyingshang cho lhyi dius nyau jens dvnganh lyis chixoeuq das. Housoeh lyis ngos YHENSAIN nghuot yvlyis nyamoq seq das.